Manashé wan Eprayím
48
Panok sek tonatim wan kinawatik Yosé kampa kitakoko motats.
Óy Yosé okit wan okinwik in omente ininpilwam,
Manashé wan Eprayím.
2 Kimani kinawatiloya Yakob kampa mokon Yosé owal omichit,
kwakin konan Isra'El nichikawaliste,
pa motaliskya pa nitapeshte.
3 Yakob kili Yosé:
―Ones ka newal Dyos ka miyak chikawaliste pa in Wepweblo Luts,
pa in tal Kanán,
wan nishmashti
4 wan nichili:
“Nimishchiwas pa momiyaptiske mopilwam,
nimishchiwas pa tewal kisas se pweblo ka masewalme.
Wan takwitap yeske myak tanichikolme ka masewalme wan nikinmakas in tal pa mokawiliske mokolinchim pa hanse.”
5 Ashka,
mopilwam in omente yehwante takatik nika Egipto kwah ayamo'ok ni'asiyaya.
Eprayím wan Manashé yeske nopilwam kina yehwante nopilwam Rubén wan Shime'ón.
6 Ashka mopilwam yeske inik tikintakatilti takwitap wan kampa yeske ninohniwan,
Eprayím wan Manashé kipiyaske takawaliste pa in tal.
7 Kimani niwalaya pa Padán-aram pa nimokwepaskya pa Kanán,
kampa omik Rakel pa tal Kanán kwah tikatkaloya pa ot,
opoli amo wEhka katka in pweblo Eprata.
Ompa niktapach pa Eprata,
yewal niyok itok BetLéhem.
8 Isra'El okinmit ininpilwam Yosé wan kitahtanili:
―Akyehwante inik?
9 Kili Yosé nitats:
―Yehwante nopilwam onihsmak Dyos nika.
Kwakin Isra'El kili:
―Shiwalak pa nikek yok nimishmashti ika Dyos.
10 Nishtololwa Isra'El shiyaptikatkaloya kampa kolinche katka amo tachiyaya;
kwakin kinwalikil Yosé ininpilwam ka nitats kintenamik wan kinnapalo.
11 Wan Isra'El kili Yosé:
―Nitamatiya kampa amo nimichitaskya,
wan ashka Dyos onishmakawalti pa nikinmitaskya nokolinchim!
12 Kwakin Yosé kinkishti ininpilwam pa nitankwam Isra'El wan motankwakets pa ni'ishpa.
13 Wan kinonan Yosé in omente,
kikets Eprayím pa nimahwakwal wan kikets Manashé pa nimahwamapoch wan kinashilti ka nitats.
Wan Eprayín moka pa nimahwamapoch Manashé pa nimahwakwal.
14 Kwakin Isra'El,
kimela nimahwam,
kipanolti wan okital nimahwakwal ipa itsontek Eprayím,
yewal otakat takwitap,
kwakin okital nimahwamapoch ipa nitsontek Manashé,
yewal otakat ta'ishpa.
15 Wan kinmashti Yosé ka inik tahtolme:
“In Dyos yewal
nehnemtiyak inak notahwan,
AbRaham wan Itsak,
yewal in Dyos hanse tonatim nishkwitawiyaya
wan pa ashka in tonat,
16 in nitakwitawilanhel pa in takpakIlwikak yewal nishkishti pa mochiten amokwal,
ma kinmashti inik piltontim.
yewal no'itokaliste yes ta'ilnamikiliste
wan ni'itokaliste notahwan,
AbRaham wan Itsak.
Ma kinpiyak myak ininpilwam wan ma yek wehwe tanichikolme ka masewalme
pa in mochital.”
17 Okit Yosé kina nitats kital nimahwakwal pa itsontek Eprayím,
wan mokwalanti kikitski nimahwa nitats,
pa kitaliskya pa itsontek Manashé,
18 Yosé kili nitats:
―Amoyok tats!
Kampa in okse nitakatiliste ta'ishpa nokon!
Shiktal momahwakwal pa nitsontek!
19 Kampa nitats amo kinek kichi,
yok:
―Nihmat nokon,
nihmat!
Yewal niyok momiyaptiske pa mochiwas se tanichikol we.
Ma yok ninohni tipichi yes hyero we amoyok kina Manashé,
ninohni tipichi nikolinchim yeske myak tanichikolme pa Wehwepweblo.
20 Pa in tonat Yakob kinmashti ka inik tahtolme:
“Kimani Isra'El kimashti kito
ka mo'itokalme anmehwante:
“Yewal Dyos ma kichi ka tewal
kina kichi pa Eprayím wan Manashé.”
Yok Isra'El kital Eprayím ta'ishpa yewal ka Manashé.
21 Kwakin Isra'El,
kili Yosé: