Booz nselya' kon Rut
4
Xisa Booz ngwa tob ro yala ro yez,
ten' ndyop re xa' sen' nchak di's xa'.
Zyasa le' xa' ta xa' jwan' ta mdej Booza ndarid ndab tya nde Booz mni lo xa':
—Mbi',
de' tyob la tre'.
Nde xa' ngwa mdob tya.
2 Zyaga mbrez Booz tsi' xa' gox lo yez ya,
nde mna'b Booz lo re xa' ya,
sa tyob xa' tya,
nde re xa' ya ngwa mdob tya.
3 Zyasa nchab Booz lo xa' ta nchak ta gax xa' ya:
—Mnea,
Noemí ta mbere mbro' lo xyon Moab,
nge tho izyo ta ngok chan' Elimelec,
xa' tan'.
4 Mblin xgab tej ney loa,
tez ncholas la ti' ley,
bxi'y naya ta nzi wi' re men nzi tre'ya nde nzi wi' re xa' gox lo yez re'.
Lo ta nak la xa' ta gax Elimelec lu jwan' ndablo ti' izyon xa'.
Per tez lu na'ncholasta ti' ley,
mney lon,
tak xis la ndo na,
jwan' no ndablo ti'y.
Le' xa' ta Booz mkab:
—Na kay.
5 Zyasa Booz nchab:
—Lega le' wiz ta ti'a izyo lo Noemí,
ndablo selya'noa Rut xa' yez Moab ngol thabol,
sa tola'a bin xa' lo izyon xa'.
6 Zyasa le' xa' ta Booz mkab:
—Tez tamod naka,
na'lit na gan ti ney,
tak ndaga nax totin lo bin na.
Per tez lu nchola's ti'y,
bxi'y.
Na ta di's ti' ley.
7 Pola re xa' Israél ngeno xa' ti mod:
Sen' tola' xa' chan' ta xa',
o ta' xa' di's yan'no xa'ga' ta xa'y,
zyasa par tibtane toli xa' di's,
xa' ta nthoy ya' o xa' jwan' ta ta' di'sa,
xa' ya ngote thi yalyid xa' nde nda' xa'y lo xa' ta ti'y ya' o xa' ta kaya'y ya'.
8 Zyasa xa' ta Booz mblote xa' yalyid xa' nde mda' xa'y lo Booz nde nchab xa':
—Lu bkay.
9 Zyasa Booz nchab lo re xa' gox nde lo re xa' nzi tya:
—Re go' nzi wi' naya le' na kaya reta jwan' ngok chan' Elimelec,
Quelión nde Mahlón lo Noemí.
10 Nde taga na ka Rut xa' yez Moab,
ngol thabol Mahlón,
ak xa' sal' na,
sa lichen bin xa' lo izyon xa'.
Tamod sa na'tyon'ta bin xa' xij re ta xa' nde xij re xa' liz xa'.
Naya,
re go' nzi wi' ngok jwan' re'.
11 Zyasa reta xa' gox nde re xa' nzi tya nchab:
—Ná' mbwi' re jwan' ngok.
¡Jehová li ley' ngol jwan' yote liz la,
xaja mbli ley' Dios Raquel nde Leaa,
lo bin xa' ten' nde reta na' jwan' nak xa' Israél!
Nde lu ak ti mbi' ntak yez Efrata nde ti mbi' xyob len' yez Belén.
12 Nde Jehová ta' bro or bix loa jwan' tyan ngol yen' re'.
Ya'r xa' lo bin la xaja xa' liz Fares,
xin' bi' Judá ta mxan Tamarb.
13 Tamod mselya' Booz kon Rut,
nde sen' ngoxno xa' ngol,
Jehová mda' di's mkelo xin' Rut nde mxan Rut thi or bi'.
14 Zyasa re ngol nchab lo Noemí:
—¡Naro toz nak Jehová!
¡Naya mda' Xa' ti xin' xot la!
¡Or re',
kenap or la nde tola'r la!
¡Or ak xa' xyob len' dib Israel!
15 Or ak xa' la'stoa nde kenap or la sen' ngox la,
tak or nak xin' xix la Rut,
xix la jwan' ntak toz loa mas ke tib gaz mdyen' bi',
tak nke' toz lazo' xix la lu,
nde wen toz xa' loa.
16 Nde Noemí mkaya' mbed,
mde's xa' mbed,
nde mxen' xa' or.
17 Sen' mne re ngol nzo gax ten' nzo Noemí,
nchab re ngol:
—¡Ngol ti mbed bi' lo Noemí!
Nde mblole re ngol mbed ya,
Obed.
Obed re' ngok xud Isaí,
Isaí ngok xud David.