2 Beṉꞌ bishꞌdawaa, chṉabidꞌ Chiozaꞌ kon ka mbalaz nak yic̱hjlallꞌdoꞌnaꞌ laweꞌnaꞌ, kaꞌkz gak wen c̱hoꞌ lao yogꞌḻoḻte naꞌ soꞌ shiꞌa shaoꞌ.

3 Ḻe biba bizakidꞌ ka bid baḻ beṉꞌ bishꞌchokaꞌ naꞌ wnagakeꞌ zoac̱hec̱hoꞌ lo nez ḻi c̱he Chiozaꞌ.

4 Bich bi de dii chonan ka yiba yizakchidꞌ ka daa iṉezidꞌ nan beṉꞌkaꞌ nak ka xiiṉꞌ zejgakeꞌ lo nez ḻi c̱he Chiozaꞌ.

5 Beṉꞌ bishꞌdawaa, ḻe wen chonoꞌ daa chaklenoꞌ bishꞌ ljwellchokaꞌ chon xshin Crístonaꞌ, ḻaꞌkzi nakgakeꞌ beṉꞌ zitꞌ beṉꞌ bi nombiꞌo.

6 Lao beṉꞌki lleꞌ ni nonḻilallꞌlenchogakeꞌ Crístonaꞌ ba beꞌgakeꞌ xtilloo daa ḻe chakiloꞌ ḻegakeꞌ. Ben goklen, beꞌgakeꞌ daa chyallj chc̱hingakileꞌ kon ka chaklallꞌ Chiozaꞌ goncho, kwenc̱he koochgakeꞌ nez.

7 Ḻaꞌ ḻegakeꞌ ba wloogakeꞌ nez kwenc̱he gongakeꞌ xshin Jesucrístonaꞌ, naꞌ bibi bex̱ꞌgakeꞌ c̱he beṉꞌkaꞌ bi nonḻilallꞌgakeꞌneꞌ.

8 Daan, chiyaḻꞌ weꞌcho daa chyallj chc̱hingakileꞌ kwenc̱he gaklenchogakeꞌ weꞌgakeꞌ dillꞌ ḻi c̱he Chiozaꞌ.

9 Ba bzejꞌ leꞌ, leꞌ chdop chllagle choeꞌlaꞌole Crístonaꞌ, per Diótrefezaꞌ bi chzenagueꞌ daa niaꞌ leꞌ daa cheenileꞌ tozeꞌ iṉabiꞌe.

10 Naꞌ daan shi ba gokan yidꞌ ganaꞌ zoale naꞌ wsheshlenee, ḻaꞌ chdeꞌ biz chon chneꞌ c̱haꞌ. Naꞌ leyi bi chlebeꞌ bishꞌ ljwellchokaꞌ chlaꞌ ganaꞌ lleꞌle. Naꞌ beṉꞌkaꞌ cheeni wleb ḻegakeꞌ, chsej chlloneꞌ, naꞌ chibejeꞌ ḻegakeꞌ bich choꞌe latj idop illaglengakeꞌ leꞌ txen.

11 Liꞌ bishꞌdawaa, bi ḻenoꞌ gonoꞌ dii malaꞌ, san ben daa nak wen. Beenaꞌ chon daa nak wen nakeꞌ Chiozaꞌ txen, san beenaꞌ chon dii malaꞌ biṉꞌ gombiꞌe Chiozanꞌ.

12 Yogꞌzə beṉꞌ choeꞌ xtillꞌ Demétrionaꞌ daa choneꞌ wen, naꞌ nakbiaꞌcha chzenagueꞌ dillꞌ ḻi c̱he Chiozaꞌ. Naꞌ ḻekzkaꞌ netoꞌ choeꞌntoꞌ dillꞌ ka wen choneꞌ, naꞌ ṉezkziloꞌ dillꞌ ḻin choeꞌntoꞌ.

13 Naꞌ dii zan dii cheenidꞌ iṉiaꞌ liꞌ, per bi cheenidꞌ gonaꞌn yishzə,

14 ḻaꞌ chbezꞌ yob gatꞌ latj yidkzꞌ ganaꞌ zoꞌ kwenc̱he ileꞌi ljwellcho naꞌ weꞌcho dillꞌ.

15 Chiozaꞌ goneꞌ ka soashgoꞌ mbalaz. Beṉꞌki nllaguicho chwapgakeꞌ liꞌ chiox. Bwapgach chiox to to beṉꞌkaꞌ nllaguicho ganaꞌ zoꞌ.