Salmo 149
1 ¡Ḻi weꞌlaꞌo X̱ancho Chiozaꞌ!
Ḻi goḻ to dii kob daa koon X̱ancho Chiozaꞌ balaaṉ.
Ḻi weꞌlawee ganaꞌ chidop chillagle,
leꞌ nakle lallꞌ nee.
2 Leꞌ beṉꞌ Israel,
ḻi yiba yizaki lao beenaꞌ bx̱e bsil choꞌ.
Leꞌ lleꞌle yell Siónnaꞌ,
ḻi yiba yizaki lao beenaꞌ chṉabiaꞌ choꞌ.
3 Ḻi wyaayi weꞌlaꞌole X̱ancho Chiozaꞌ,
ḻi goḻ daa chgoon ḻeꞌ balaaṉ,
naꞌ ḻi wc̱hin pandérokaꞌ naꞌ diikaꞌ llia kwerd c̱heyin.
4 Ḻaꞌ X̱ancho Chiozaꞌ chibaileꞌ beṉꞌkaꞌ nak yell c̱heꞌ;
naꞌ beṉꞌkaꞌ nak beṉꞌ gax̱jlallꞌ shoꞌgakeꞌ balaaṉ daa chisleꞌ ḻegakeꞌ.
5 Leꞌ nakle lallꞌ nee,
ḻi yiba yizaki daa chisleꞌ leꞌ.
Ax̱t lo daa lo blag c̱helenaꞌ ḻi goḻ iṉieꞌ daa chiba chizakile.
6 Ḻi goḻ iṉe Chiozaꞌ kon choꞌa ḻollꞌlenaꞌ naꞌ gox̱ꞌtele twej spad dii nḻatit c̱hop ḻaate,
7 kwenc̱he yiziꞌle wzon c̱he beṉꞌ zitꞌkaꞌ,
beṉꞌkaꞌ bi nx̱enilallꞌ X̱ancho Chiozaꞌ,
naꞌ wsakꞌziꞌle yogꞌgakeꞌ.
8 Naꞌ wc̱hejile gdennaꞌ beṉꞌ wṉabiaꞌkaꞌ naꞌ beṉꞌkaꞌ zakii
9 kwenc̱he gonle c̱hegakeꞌ ka ba nc̱hoglo Chiozaꞌ gak c̱hegakeꞌ.
Naꞌ daa gonle kaꞌ,
gakan to balaaṉ c̱he yogꞌ beṉꞌkaꞌ nak lallꞌ nee.
¡Ḻi weꞌlaꞌo X̱ancho Chiozaꞌ!