Salmo 124
1 ¿Bila gok c̱hecho sheḻꞌ bi goklen X̱ancho Chiozaꞌ choꞌ?
Leꞌ beṉꞌ Israel,
ḻi iṉa:
2 sheḻꞌ bi goklen X̱ancho Chiozaꞌ choꞌ
kanaꞌ wdiḻ-len beṉꞌkaꞌ choꞌ,
3 naꞌ blliayiꞌgakeꞌ choꞌ
kanaꞌ bllaa blokgakeꞌ choꞌ,
sheḻꞌkaꞌ.
4 Naꞌ bengakeꞌ c̱hecho ka chak c̱he beenaꞌ chḻoḻ nisdoꞌnaꞌ,
naꞌ ka chak c̱he beenaꞌ choꞌa yawaꞌ,
sheḻꞌkaꞌ.
5 Naꞌ gok c̱hecho ka beṉꞌ noaꞌ yao dii chbix̱ chḻoḻ,
sheḻꞌkaꞌ.
6 Shajlaꞌoshga X̱ancho Chiozaꞌ,
daa bi biꞌe latj wxoxj wtin beṉꞌkaꞌ choꞌ ka chon to ba zṉia.
7 Ba bilacho laweꞌkaꞌ
ka badoꞌnaꞌ ze xan yabanaꞌ,
banaꞌ chila lao beenaꞌ cheeni seneꞌb.
Ba bilacho lawi diikaꞌ goklallꞌgakeꞌ gongakileꞌ choꞌ.
8 X̱ancho Chiozaꞌ,
beenaꞌ bx̱e bsil yabanaꞌ len yell-lioni,
chakleneꞌ choꞌ.