22
3 Weꞌepiri palá laꞌakaná, puꞌuwaré laꞌakaná liyá,weꞌepiri kaja palá naka laꞌarijla riká chapú.
Raú ramá rikó palá riliyá, rilaꞌaká piyá riká chapú.
Lanakiya, unká weꞌepila palá laꞌakaná, puꞌuwaré laꞌakaná liyá,
unká aꞌalá rinakojó nakaje laꞌajeri chapú riká,
raú rilaꞌá riwátaka ke.
Eyá kaja penaje ramá piyukeja chapú kaje yajwé.
6 Pewíñaꞌata palá yuwaná, meꞌetení iꞌimakaño, nakaje nakú.
Eyá phíyuꞌukecha neꞌemajika wakajé,
re joꞌó kaja nakaje pewíñaꞌatajikare neká nakú iꞌimajika napechu nakú.
9 Piꞌimajika ee inaꞌuké wani ajopana waꞌaté,
palá Tupana laꞌajika pinaku raú,
paꞌakale kamuꞌují laꞌakáñojlo aꞌajnejí.
15 Mapechúruna laꞌaká nakaje, ke kaja yuwaná laꞌaká nakaje.
Ñaꞌarí aú nañaꞌakánaja kalé jaꞌapátari naliyá ñaké laꞌakana,
nalaꞌakáloje palá penaje.