3
5 Pipechu lokópaꞌala pipechu iꞌimá kaphí Tupana chojé;pipechu iꞌimaniña kaphí nakaje piweꞌepíkare chojé.
6 Piyukeja nakaje pilaꞌajika kewá piweꞌepí Tupana,
raú raꞌajé piñathé palá laꞌakaná aú.
7 Pilaꞌaniña pinakuwá kajrú wani weꞌepika ke;
piphá Tupana jaꞌapí; piyurí piliyó puꞌuwaré laꞌakaná.
11 Nulaké, apala Tupana wajaje kaꞌajná piká, pilaꞌaká piyá piño puꞌuwaré.
Pimaniña kalé rinaku:
“Chapú rilaꞌaká nuká”, ke.
Piyúchaꞌaniño kaja richá rijimaje.
12 Íkiꞌija riwátakarena Tupana wajá,
nalaꞌaká piyá piño ñaké puꞌuwaré.
Iná jaraꞌapá wajaka iná, ke kaja riwajaka weká,
wáchoꞌokoloje rijló palá penaje.
27 Apú kemájika ee kaꞌajná pijló:
“Pilaꞌá nojló nakaje”, ke,
pimaniña rijló: “unká”, ke,
re riñathé aꞌajona iꞌimajika pikapi eꞌiyonaja.
28 Pimaniña kaja rijló:
“Muniko noꞌó piñathé”, ke,
paꞌakajla riñathé meꞌetení eꞌiyonaja.
31 Pamániña chapú puꞌuwaré laꞌajeñó,
nakaje piwátakare pijluwa iꞌimakale nakapi.
Patáꞌaniña kaja nalaꞌaká ke laꞌakana.
32 Chapú Tupana pechu puꞌuwaré laꞌajeñó nakú,
eyá palá laꞌajeñó nakú ripechu palá.
33 Puꞌuwaré laꞌajeñó ñakaré cha Tupana yerúkaꞌa,
eyá palá laꞌajeñó ñakaré nakú rilaꞌá palá,
neꞌemakáloje palá richu penaje.
34 Rinaku iꞌichajeño nakú Tupana iꞌichá kaja.
Eyá, unká laꞌalaño nanakuwá kajrú nakaje nakojé weꞌepéjeño ke, waꞌaté riká inaꞌuké wani.