Neꞌemakana wakáraꞌakeri rijwaꞌatéjena laꞌaká nakaje rijló. Paranakuwa nakú iꞌimajíkaño waꞌató riwakáraꞌake laꞌaká rijló nakaje. 2 Piyuke riyukuna nayáꞌatake papera kaje chojé iꞌimaká. Raꞌá Mardoqueo rijwaꞌaté wakáraꞌajeri penaje iꞌimaká. Riyukuna waꞌató Media, Persia, kele teꞌeré eyájena yáꞌatake papera kaje chojé nakaje nawakáraꞌajeri kemájikare nakú. Eyá raꞌapiyatéjena, kele laꞌajíkare kaje, nalanaꞌaké kaja riyukuna richojé. 3 Riká judío jaꞌa Mardoqueo iꞌimari ajopana, neꞌemakana jaꞌapiyatéjena, chaje wani wakáraꞌajeri. Kajrú rilaꞌajika nakaje judíonajlo; íkiꞌija nawátajika riká. Riweꞌepike ritukumó nakaje laꞌakana, riꞌimakáloje palá rinakiyánajlo, ñaké kaja rikáꞌanajlo.