2 —Kaja yewíchaja riphaka nojló rená chojé nutakaꞌakáloje penaje. Ñaké waja takaꞌakaje iphaka piyukeja inaꞌukénajlo. Ñakele pilaꞌá pipéchuwa kaphí, pipechu iꞌimakáloje kaphí Tupana chojé. Piꞌimá achiñá wani. 3 Pilaꞌajé piyuke nakaje Tupana, kaphí pipechu iꞌimakare chojé, kemájika ke; pilaꞌajé kaja riwátaka ke; pemaꞌajé piyuke Ripurákaꞌalo, riyuríkare Moisésjlo iꞌimaká jaꞌapiyá. Ñaké pilaꞌajika ee, piyuke nakaje pilaꞌajíkare jáchoꞌojiko pijló palá, palá kaja piꞌimajika paꞌapájika ewá. 4 Pemaꞌajika ee palá raꞌapiyá, e rilaꞌajé pijló nakaje rimaká nojló pinaku iꞌimaká ke. Rimá nojló iꞌimaká: “Palá piyani, eyá pilakénami, kele jemaꞌajika ee noꞌopiyá, unká nuyurílaje ajopana iꞌimaká israelítana wakáraꞌajeño. Piyani, pilakénami, kele nakiyana waja iꞌimajeño nawakáraꞌajeño penaje, ñakele papumí chojékaka ke nayuríjiko nawakáraꞌajeño penaje”, ke Tupana kemaká nojló iꞌimaká —ke David kemaká Salomonjlo.

10 Rejomi David takaꞌarí. Rejé najaꞌá ritami Pajimila David ejé. (Rií nakojé riká pajimila ií iꞌimá.) 11 Iyamá inaꞌuké leꞌejé kele jarechí ketana riꞌimaká israelítana iꞌimakana. Iyamá kuwáꞌata kele jarechí ketana riꞌimaká pajimila Hebrón e iꞌimaká, rejomi treinta y tres jarechí ketana riꞌimaká piño pajimila Jerusalén e. 12 Rejéchami Salomón yuriko neꞌemakana penaje, David michú apumí chojé. Palá riwakáraꞌajika neká, palá kaja nemaꞌajika raꞌapiyá.