Moisés takaꞌaká yukuna marí
34
E kaja Moisés jaꞌapari rikó Moab teꞌeré eyá, iꞌijrari ipuré Nebo eꞌiyowá, iphari ipuré Pisgá jiꞌiwátaje. Pajimila Jericó iꞌimaká lokoꞌopani riꞌimá. Reyá ramá piyukeja teꞌerí Tupana aꞌajíkare najló. 4 Re Tupana kemari rijló: “Marí teꞌerí numaké nakú Abraham, Isaac, Jacob, kélejlo iꞌimajika: Noꞌojé ilakénamijlo riká, riꞌimakáloje nateꞌerewa penaje, ke. Chuwa nuwata pamaka riká, unká piphálaje rejo eꞌiyonaja”.5 E kaja Moisés takaꞌarí re Moab teꞌeré nakú, Tupana kemaká rijló iꞌimaká ke. 7 Ciento veinte jarechí cha riꞌimaká riwakajé. Peyajweya ritakaꞌaká; palá joꞌó ramaka iꞌimaká; unká joꞌó rijlú yakala.
8 Ritakaꞌaká ejomi, Israel lakénami laꞌañó nawinano pajluwata keri ketana. Moab teꞌeré nakú neꞌemaké riwakajé.
9 Eyá Josué, Nun michú iꞌirimi, yuriro nawakáraꞌajeri Moisés michú apumí chojé. Kaja Moisés michú jaꞌapata péchuji Josuejlo, Tupana aꞌakare rijló iꞌimaká, riꞌimakáloje nawakáraꞌajeri penaje. Reyá aꞌajná ñoꞌojó inaꞌuké jemaꞌaké raꞌapiyá; nemaꞌá kaja Tupana purákaꞌalo, Moisés michú jaꞌapátakare najló iꞌimaká jaꞌapiyá. 10 Unká na apú iꞌimalá jaꞌapátarijla Tupana purákaꞌalo Israel lakénami eꞌiyá, Moisés michú iꞌimaká ke kaja. Inaꞌuké puraꞌakó pajwaꞌatéchaka, ke kaja Tupana puraꞌajiko rijwaꞌaté iꞌimajika. 11 Unká kaja na iꞌimalá Tupana purákaꞌalo jaꞌapátajeri, rilaꞌakáloje Tupana palamane aú kajrú nakaje, unká méñoꞌojo ajopana laꞌalare kaje. Moisés michuja kalé laꞌakeri ñaké Egipto teꞌeré nakú iꞌimajika.