10
11 Kaja pajluwaja jarechí, eyá iyamata keri ketana cha jaꞌapari iꞌimaká, náchoꞌoko Egipto teꞌeré eyá iꞌimaká ejomi. Sinaí e neꞌemaké wakajé, juni juwákaꞌala, Tupana ñakaré cha iꞌimakare, jaꞌapari reyá. 12 Raú nakajyaꞌatá piyukeja napajré re iꞌimakare, neꞌejnakáloje rápumichu penaje. Riká juni juwákaꞌala jaꞌapari natukumá, ají ke desierto Parán ejo, rejé ritajnó. 33 Weji ke kala ketana naꞌapaka, nephákaloje rejo penaje. Najñaꞌá kaja kaichama, Tupana purákaꞌalo jipa nakú lanaꞌakéjami iꞌimakare chu, najwaꞌató. Riká naꞌapátake natukumá, raú naweꞌepíkeno méreka nakamátajikono. 34 Weꞌechú kaꞌalá japi juni juwákaꞌala jaꞌapake nachawa.35 Nawakúlaꞌapa riká kaichama ke naꞌapájika kewá, Moisés kemájikano:
“Chuwa, Tupana, páchoꞌo, paꞌapá chapú pinaku péchuruna nakú.
Pamákana aú ja neñaajó makajmala ke reyá”.
36 Eyá nayáꞌatajika riká kewá, rimájika:
“Tupana, chuwa pipaꞌó majó, piꞌimakáloje mariruna inaꞌukena waꞌaté penaje. Íkiꞌiruna wani neká”.