36
1-2 Rejomi raꞌá iyamá inaꞌuké, nawakáraꞌakaloje puwicha laꞌajeño penaje. Pajluwa ií iꞌimari Bezaleel, apú ií iꞌimari Aholiab. Palá Tupana laꞌajika napechu, najwaꞌaté jápajeño pechu waꞌató, naweꞌepíkaloje raú rilaꞌakana riwakáraꞌaka neká ke. Najapa rinaku, nawátakale rinaku jápakana.3 E kaja Moisés jaꞌapátari piyuke najló nakaje, Israel lakénami aꞌakare Tupánajlo iꞌimaká, nakeñoꞌokáloje nawakákaꞌalo ñakarelana laꞌakana raú penaje. Nakeñoꞌó rinaku jápakana, waꞌató ke inaꞌuké aꞌajika nakaje richaje, richaje ke, weꞌechú kaꞌalá keja. 4 Weꞌepiño puwicha laꞌakana iꞌimaño nakaje laꞌakana nakú richojé. E kaja nayurí najápakaꞌala meketánaja, neꞌejnakáloje Moisés amaje. Nephaka rinaku ee, nemá rijló: “Kajrú wani neꞌejnataka chuwa nakaje rejo, kaja richáꞌata nakaje wawátakare, walaꞌakáloje riká penaje”.