Feni neꞌia fi dinaa aꞌa fei gupuu ei narafaweꞌia, ei ana ba roꞌaa rawaꞌuaiaa fei narafaweꞌiaa roꞌou aꞌa Christ uaa namina rata fei hareaa hefiꞌa aꞌa roꞌou. Mei neꞌia na faꞌunuwenuweaa fei narafaweꞌiaa roꞌou ei i famaꞌaia ba Jesus Christ, hia paꞌaa fei faꞌua manumanu opaꞌaia aꞌa mei Haidaa. Wagii fei na famaꞌaia, odumanu faꞌuaia.

Jesus, mei i oalao, hia naꞌuu mei Haidaa. Ina neneraa ei wareaa mei Ama wagii fei apitaiana ei fiꞌia. Siꞌei ba hia naꞌuu mei Haidaa, hia na pafeai aꞌa ei mamamaꞌaa fei rawarawa fiꞌugaia, fei hesuwi Buꞌu Apuna, ei aloꞌalo ma Moses.

Mei Haidaa na ware ba Jesus bauaniaa humuu mei Haidaa. Na pafeai aꞌa ei bauaniaa humuu mei Haidaa.

Ma i aꞌa Jesus, hemea narafaweꞌia i tela aꞌa fei hafeloꞌa, mamaꞌaua ma maꞌea. Jesus mei paꞌaa bauaniaa humuu mei Haidaa, mei na fanaa fei paꞌaa telaꞌana, fei na haduoiꞌuaiaa ei mau foꞌafamaꞌeaa manulelele wagii fei losuu ei Hebrew.