Feni rawaniꞌa wareaa Matthew fi warewareaa mei Telaꞌana Jesus, mei na faꞌunainia mei Haidaa laloo fei rawarawa fiꞌugaia, fei hesuwii fei Buꞌu Apuna. Feni buꞌu na uꞌu ba fei rawaniꞌa warea abaa manumanuu ei Jew ua, maꞌuaa minaa ei ramaꞌa. Jesus na wanini, pudugufai, waduꞌai aꞌa fei manimania, na fatawa ma na asiꞌaa aꞌa fei maꞌea.

Jesus nadoꞌo faꞌasiꞌanaa fei bigiꞌana yei Galilee ma nene, Jerusalem. Hia paꞌaa feroia. Na feroinaa fei haparaiaa mei Haidaa ma ana na paꞌi foraforana. Ei feroiana fi warewareaa haipani manumanu: a. fei uꞌuga pafoo fei maugeni (5-7), b. feroia aꞌa ei hefua ma helagui wagii fei bigiꞌaa roꞌou (10), c. warehanunuia wagii fei haparaia i pafea (13), d. ei feroia wagii fei mau nenegia (18), e. ei feroia wagii feni pedupeduu feni ano ma batanai fei haparaia ba i nomai (24-25).