Ni yóm gewu dulék Pitér bud hemwit sulat ebè yó kem tau hemtahu deng gotu sekla ebè dumu benwu. Bè yóm ksulaten ni, deng wen ne yó kem tau gel tmolok sekban. Yó gónóhen bud smulat ebélê le anì eles le getgama bè yó kem tau gel tmolok sekban.

Yó kesekban le, là kô hentahu le du yóm kesfulék Jisas, ne yóm angat kegbà Dwata yóm klamangen benwu bè yóm hol són kdaw. Tulón Pitér kul snéen yóm kdohò yóm kesfulék Jisas edini te tonok, bede nan nangat yóm hol són tau hemtahu béléen. Ne dohò snéen yóm kegbà Dwata benwu, bede wen lomi benwu angat nmoen bè yó kem tau hemtahu béléen. Bud wen lomi hlau Pitér kul bè kmò kwit le kul ktau lem blóng yó kem tau laen dù kehtahu le.