Yóm Pitér smulat du nim sulat ni, du se sotu bè yó kem sfolò lewu tehe nélék Jisas mò gel hógówen (aposol) fen hetngón yóm kun udél. Nim sulaten ni hwiten ebè yó kem tau hemtahu bè Jisas deng gotu sekla ebè kihu benwu lemwót bè yóm alì kehsidek le kul yó kem tau là hemtahuhen. Yóm ksulaten du nim ni deng tuha ne.

Yó gónón smulat ni mò lanen gemduf kul bè kehtahu le. Deng tódô gotu tngónen se yóm tey keglayam le lemwót bè yóm klolò le ke Jisas. Tulónen kul balù nô kgelen yóm klowil le, kaem wen he kligal le, abay se là kô tódô bayà Dwata kul. Bud tulónen kul se yóm tey ofol blay Dwata kul ke là monolen yóm kul kehtahu. Tey mget yóm hlauhen kul anì hol nmò le yóm nmò seklóón bè yóm Tulón Hyu lemwót bè Jisas Krays, yóm gónó le mogot.