Yóm Filimun gónó Pol e smulat ni, sotu tau nô bè yóm benwu boluyen Kulasi. Baling hemtahu se kun lemwót bè yóm ktolok Pol, ne hlós baling tilob kesetngón le.

Wen sotu heseken nim Filimun ni, boluyen Unisimus. Okóm deng mom mlóy etu bè syudad Rom. Bè yóm knóen bè yó, baling hemtahu lemwót bè yóm kesetngón le Pol. Tey dê lanen tmóbóng ke Pol bè yóm knô Pol lem blanggù.

Lemwót bè yóm deng kehtahu Unisimus, là hyuhen ke là buden mulék ebè yóm tau tehe gónón ghesek, bede bè yóm kul kukum, yóm tafak yóm tau hesek ke mlóy, tódô hnatay. Yó se gónó Pol smulat ebè Filimun anì tódô henifóten Unisimus.