Nim Taytus gónó Pol e smulat ni, sotu lomi lemnok, là Juhen se kun. Lemwót bè yóm ktolok Pol gónóhen baling hemtahu, ne gel mung ke Pol bè yóm gel kógówen. Okóm ni, deng tebel Pol bè yóm sotu ngà hungul te mohin boluyen Krit mò malak yó kem tau hemtahu bè yó.

Bè yóm sulat Pol ebéléen ni, hlauhen du yóm kmò kbólówen yó kem tau tmolok sekban lem blóng le. Yó bulungen yóm kesekban le ke tilob ktolok Taytus du yóm ktahuhen. Ke deng tngón yó kem tau hemtahu yóm ktahuhen, là buden mesgólól nawa le, ne yó gónón baling hyu kmò le. Bud hlauhen ke Taytus snéen yóm kmò kéléken yó kem tau malak yó kem dumuhen hemtahu bè simbahan.