Nim gewu sulat Pol ebè Timuti ni, snulaten bè yóm igoen geblanggù bè Rom. Deng eles tngón Pol ne yóm móyón khatay le du, yó gónón eles smulat ebè Timuti. Bè nim sulaten ni gónóm hol mton du yóm alì kbong nawahen ke Timuti, lómón ke hol ngaen mlan bè yóm kehtahu le. Gotu sigang Pol tahen yó kem nmoen bè yó kem benwu deng wen hemtahu nô du bè klamangen Asya. Gendufen Timuti anì là tenfloken du yóm ktoloken kul, ne anì là klifóten du yóm hol ktahuhen deng dnalangen béléen.

Yó hol lemen nim sulat Pol ni, duhen yóm hol ketgelen nawa Timuti balù tennga yóm keglayamen. Hlauhen du anì hol loloen yóm ktahuhen deng dnalangen béléen, ne anì hol kenbong nawahen kem dumun tau. Bud hlauhen du anì sigangen ta yó kem tau genléd nawahen yóm ktahuhen anì lu bud fen hból du ebè yó kem dumu le tau.