Kun Snulat
Luk
Mò gna senfala
Tey dê se tau tehe hsulat Dwata udélen. Tek són Luk là tauhen Ju bélê le, tau Grik se kun ne tey temngón lelen duktur. Là kô deng tonen ke Jisas he kun nim Luk ni. Tódô snulaten yóm deng dnalangen bè yó kem tau tehe gel mung ke Jisas. Deng gel gungolen yóm gel tulón le, ne gel senfalahen yó kem tehe snulat le.
Nim sulat Luk ni, hwiten ebè yóm sotu tau Grik boluyen Tyufilus, sotu tau tótól boluyen. Yó hol bótóng tulón Luk, yóm deng kbalingen tau yóm Ngà Dwata, duhen Jisas. Tulónen snéen yóm kehlan Dwata du béléen yóm kehlifóten salà yó kem tau bè klamangen benwu. Bud tulónen yóm tey kbong nawa Jisas yó kem tau élél, ne yóm tey dê lanen gel tmóbóng kul.
Mò gónóm hménég lebangen
(1:1-4) Gna mon Luk
(1:5–2:52) Ksut Jan gel mabtays ne ksut Jisas
(3:1-20) Kun ktolok yóm Jan gel mabtays
(3:21–4:13) Kehbabtays Jisas ke Jan ne yóm ktilów Seitan du
(4:14–9:50) Ktolok Jisas bè klamangen prubinsya Galili
(9:51–19:27) Kógów Jisas ebè syudad Jirusalim
(19:28–21:38) Yóm nmò Jisas bè Jirusalim bè yóm hol són fedyanen talak tonok
(22:1–23:56) Khatay le ke Jisas
(24:1-12) Klowil Jisas
(24:13-49) Kehegfan Jisas bè yó kem gel lemolò du
(24:50-53) Khaway Jisas ebè longit