3
Jã yarã,
ape wame mʉjaare jã ĩi buio tʉjagarã:
Mani Ʉpaʉ Diore jã jenibojaya cʉ̃ ye quetire jã ca-buio teñaro.
“Jesú ye quetire ca-apiʉjarã tiere na buio bateato,”
Diore cʉ̃ ĩi jeniya,
to canacã paʉpʉ cʉ̃ ye quetire ca-api nʉcʉbʉgorã na ca-aninemoparore bairo ĩirã.
Caroaro majuu mʉja ca-api nʉcʉbʉgo jʉgoricarore bairo aperã quena ca-api nʉcʉbʉgoparã ãma.
2 Jicãarãacã ãma Jesucristo ye quetire ca-api nʉcʉbʉgorã.
Aperã maca caroaro ca-tʉgooñaquẽna,
Diore ca-booquẽna ãma.
To bairi nare,
caroorã jãare ca-popiyeyeborãre Dio na cʉ̃ matabojaato ĩirã Diore jã jenibojaya.
3 Mani Ʉpaʉ Dio cʉ̃ ca-ĩi cũuriquere bairona manire cá-átibojaʉ ãmi,
ĩitoquẽcʉna.
To bairo manire cá-átibojaʉ aniri mʉja yeripʉre tʉgooña tutuariquere mʉja joogʉmi Dio.
Caroorije mʉja cá-átiquetiparore bairo ĩi tʉgooña tutuariquere mʉja joogʉmi Dio.
Caroorije mʉja cá-átiquetiparore bairo ĩi tʉgooña tutuariquere mʉja joogʉmi.
Mʉja tʉjʉ ʉjagʉmi ca-ñuuquẽcʉ majuu Sataná ñe unie rooro mʉjaare cʉ̃ cá-átiquetiparore bairo ĩi.
4 Caroaro jã maji jãa.
Mani Ʉpaʉ Jesú mʉja átinemogʉmi.
Meere,
cʉ̃ cá-átinemoro mena mʉja átinucu jã cá-áti rotiri wamere.
To bairona tiere mʉja áticõa aninucugarã.
5 To bairi mani Ʉpaʉ Cristo ame mairiquere mʉjaare cʉ̃ joato.
Mʉja yeripʉ ca-tʉgooña patowãcaquẽtie quenare cʉ̃ joato.
El deber de trabajar
6 Jã yarã,
jicãarã ãma mʉja tʉ ca-ãna ca-teeye pairã.
“Caroaro paaya,”
mʉjaare jã ca-ĩibata wamere ca-bai botiorã ãma.
Na unare bapa cʉtiqueticõaña.
Mani Ʉpaʉ Jesucristo cʉ̃ ca-rotiro mena tiere jã ĩi buio mʉjaare.
7 Mʉja tʉpʉ ãnaa teeye mano jã ca-baiwʉ.
Meere mʉja maji.
To bairi jã ca-baieparore bairona ca-baiparã mʉja ãa mʉja quena.
8 Ca-jeni ʉga pairãre bairo jã ca-baiquẽpʉ.
Jicãʉ ucʉ̃ cʉ̃ yere wapa manona jã ca-jeni ʉgaquẽpʉ.
Jã majuuna jã ca-paa popiye cʉtinucuwʉ.
Ʉmʉreco,
ñami quenare jã ca-paa popiye cʉtinucuwʉ,
mʉjaare patowãcoogateerã.
9 Cristo ye quetire mʉjaare ca-majiorã aniri mʉja yere cariape ca-ʉgaboparã anibana quena wapa jooquẽnana jã ca-jeni ʉgaquẽpʉ mʉja yere.
Jã majuuna jã ca-paa popiye cʉtinucuwʉ,
mʉja quena,
“Pablo jãare bairona caroaro jã paagarã jã quena,”
mʉja ca-ĩi tʉjʉparore bairo ĩirã.
10 Mʉja tʉpʉ ãnaa oco bairo mʉjaare jã ca-ĩi buionucuwʉ:
“Jicãʉ ucʉ̃ ca-paagatei aperã yere cʉ̃ jeni ʉgaqueticõato,”
jã ca-ĩinucuwʉ.
11 Jicãarã mʉja mena macana ca-teeye pairã na ca-aniere jã queti apinucu.
Patowãcoobʉjayuparã.
Na majuuna paagaquẽjuparã.
12 To bairo ca-bairã aperã yere na cá-átiere na tʉjʉ patowãcooqueticõato.
Caroaro na paato.
Na majuuna na yere na ʉgaato.
To bairo nare jã áti roti,
mani Ʉpaʉ Jesucristo cʉ̃ ca-rotiro mena.
13 Jã yarã,
mʉja maca quepequẽnana caroare áticõa aninucuña.
14 Nii jicãʉ atie jã ca-queti uca joori wame ca-bai botioʉ ucʉ̃re cʉ̃ tʉjʉ majiña.
Cʉ̃ tʉjʉ majiri,
cʉ̃ bapa cʉtiquẽja.
To bairo cʉ̃ mʉja ca-bairo jʉtiritigʉmi ñuuquẽto cʉ̃ ca-bairijere.
Jʉtiritiri to cõona nʉcʉbʉgogʉmi.
15 Cʉ̃ tʉjʉ tutiquẽja bairã pʉa.
Mʉja yaʉrena,
“Ñuuquẽto mʉ áa,”
caroaro cʉ̃ mʉja ca-ĩirore bairona caroaro cʉ̃ buioya,
caroa macare cʉ̃ áparo ĩirã.
Bendición final
16 Mani Ʉpaʉ Dio cʉ̃ majuuna caroaro ani wariñuurique mani yeripʉre ca-joʉ ãmi.
To bairi caroaro ani wariñuurique mʉja yeripʉ cʉ̃ joato nipetiro mʉja ca-bairi wame cõo.
Nipetirã mʉja mena mani Ʉpaʉ Dio cʉ̃ anicõato.
17 Yʉa Pablo yʉ majuuna atie ñuu rotiriquere yʉ uca.
Atie yʉ ya wame ãa.
To bairona yʉ ucanucu aperãre queti joʉ.
18 Mani Ʉpaʉ Jesucristo caroaro ani wariñuuriquere nipetirã mʉjaare cʉ̃ joato.
To cõona ãa.