Si Pablo ako a mangkapriso banaꞌ sa katutulok ko konan Cristo a si Jesus.

Iti ya sawanin si Timoteo a busat tamo sa pammemper sin mansuraten koyayti komo, busat a Filemon, 2 tan kona anamaet nin dupong ran mammemper a mididinep nin mangrayo konan Dios isen sa bali moyo, tan wanin anamaet kona ni Apia^a a busat tamo sa pammemper, tan kona ni Arquipo a kapada min bilang nin sundaloꞌ sa trabaho mi.

3 Sapa kumon ta si Dios a syay Ama tamo tan si Uunuren tamon Jesu-Cristo bindisyunan rakamo tan byan rakamon mabistan kapapaꞌsar.

4 Busat a Filemon, mampakisalamatan koya lawas banaꞌ komo a Dios nin main ikon kongko tepeꞌ nin dumasal ako 5 ta narnge-narngeꞌ ko a maipaꞌkaꞌ sa pangangawaꞌnan mo konran sarba ran tutawo nan Dios tan sa pagmamatalek mo kona ni Uunuren a Jesus. 6 Manꞌidasal ko a yupaꞌ sa pagmamatalek mo tan banaꞌ sa pakasariꞌ-sariꞌ moyna nin sarban mabista nin manꞌipagaꞌmor nan Dios kontamo, ket main nin magwaan anan magwaan nin say pakikalamoꞌ mo konran tutawo nan Dios ta pigaw nin maitandudoꞌ ya si Cristo. 7 Anaod, napaririket tan naliwaliwa akon tuloy sa sain nin pangangawaꞌnan mo konran tutawo nan Dios, busat, ta pinaksaw moy nakem ra.

8-9 Ket banaꞌ anaod ta wanin a pangangawaꞌnan mo konran tutawo nan Dios, main pa nin dawaten ko komo. Magwaꞌ ko kumon nin igan-gan a gawꞌen mo no ani a manepeg banaꞌ sa kapangyadian a nibi na anaod kongko ni Cristo, baleꞌ wanin man, dawaten koy ingangaꞌdo komo. Siꞌko, si Pablo a sayay masiken ana tan mangkapriso banaꞌ sa katutulok ko konan Cristo a si Jesus, 10 ket, paingangaꞌdo ako para konan saya nin kongko ket nagꞌin koya nin anak yupaꞌ sa nipangiparmaw ko kona sa pammemper leleg nin iti kami sa priswan. Sya ket si Onesimo.^b

11 Sa napalabas a panaon, kasa nin sirbi na komo baleꞌ sawanin masirbi yayna komo, tan wanin anamaet kongko.

12 Pasublien koyayna komo si Onesimo ket banaꞌ sa pammabli kon tuloy kona, baraꞌmo anan lamang nin manꞌipaꞌwit koyay pusoꞌ ko.

13 Rabay ko kumon nin mantiniwen koya yapoꞌ iti ta pigaw nin matulungan nako nin ikwintan tulong mo kongko legꞌan a mangkapriso ako banaꞌ sa pangingipata-patandaꞌ ko konan Mabistan Patandaꞌ. 14 Baleꞌ kai ko nin gawꞌen in nin kasa nin aburoy mo ta kai ko rabay a napasu-pasuet ka sa panunulong mo kongko no kai edet, nangibwat nin diri komo.

15 Anaod, magwaꞌ a naisyay ya nin nadaliꞌ komo si Onesimo ta pigaw nin sa isusubliꞌ na ket kalamoꞌ maynan anggan-angga. 16 Sawanin, amboꞌ ya tana nin basta aripen no kai masurok yayna dyan aripen ta sya, saya yayna nin mabli nin busat sa pammemper. Mabli yan tuloy kongko, ket mas mabli ya et nin adayoꞌ komo, banaꞌ ta aripen ma tan banaꞌ ta mibsat kamo konan Uunuren.

17 Anaod, ta manꞌikwinta nakon talaga nin kalamoꞌ, akuen ma pa si Onesimo nin kapadan pangangakoꞌ mo kongko.

18 No wadiꞌ ta main nin kasalanan na o utang na komo, siꞌkoy singiren mo. 19 Kiten mo, siꞌkon diri a nanurat konan siti:

21 Sinurat koyayti nin matalek ako a tumulok ka sa mandawaten kodti, tan tandaꞌ kon masurok et pa et a gawꞌen mo.

22 Anamaet, isadyaan rako pa nin mapagtuluyan kodsen ta mampilalo ako nin iyaburoy na nin Dios a makasubliꞌ akodsen komoyo banaꞌ sa kadadasal moyo.

23 Si Epafras, a sayay kapada kodtin mangkapriso banaꞌ sa katutulok na konan Cristo a si Jesus, mampakumustawen naka. 24 Wanin ra anamaet nin kukatrabahwan ko a sara si Marcos, Aristarco, Demas tan si Lucas.