jawenabiribi iti Ibon ea imaa kopí;

eara raana iki onitsapibo jakon joi jato yoiti,

masá teneaibo jato tantimati,

xepokanabo moa pikóti jato yoiti,

xepó meran ikábo moa xabakaata jato yoiti;

itan Diossen jaton rawíbo kopixonai nete jato yoiti.

Eara raana iki jatíbi masá shinanaibo, jakon shinanmaxon jato tantimati,

chiimapo menititianbi westíora maiti meniti,

itan onisi winiamai raronon ixon jato yoiti,

masá shinani ratéyamakin ea rabii bewati jato yoiti.

Jawen koshi jato oinmati kopí

Ibon banaa jiwi,

‘Jatoaresai roble jiwibo’,

akinra mato janekanti iki”, akinra aká iki.

jakiribi maton ati iki,

moatian xobobo ras akanabora

jakiribi maton weninti iki,

ja ras akana jemabora jakiribi maton benxoati iki.

maton uva waibo jan mato

koiranxonaibora wetsankonia jonibo iti iki.

non Diossen yonotibo akin.

Wetsa maibotiibi iká jonibaon

jakon jawékibora noeshamanbo maton

jawékiati iki, jatianra jaton

kopí jaweki penébaon mato raoti iki.

jatoki jakonmai yoyo ikin itan jato ramiakinra akonbireskana iki,

jakopíra jaton mainxon

icha kopí jawékibo biribaxonbi

bebonbiresibi bikanti iki,

jatianra jatíbitianbires rarokanti iki.

jaskákinra yometsoti itan esekan atima yoia ikenbi akai omisai.

Jan kopíakinra kikin senenshaman mato meniti iki,

itan jatibitian itiakin, ja senenhabekonti joi jato betan ati iki.

jonibo xarameax jakon ninkakataibo ikanti iki;

jatíbi jato oinnabaonra onankanti iki,

nato jonibora Ibon jakonhakin

jato shinanxona jonibo iki, ikira ikánti iki.

Nokon Dioskira kikini ea beneai,

ea jan xabaa kopí,

¡Atikeskabiakin jatoaresai itira ea imaa iki!

Eara wanoaitonin jawen maiti maia keská iki,

iamax eara benoai ainbo jawen

kopí raotibaon raota keská iki.

jokonai keskáakin, itan joa wainko

joabo xoxoai keskáakin,

Ibon jawen jatoaresti koshi pikoti iki,

jatianra jatíbi maibotiibi ikábaon

já rabii iti bewábaon bewakanti iki.