Ibora apo iki
93
¡Ibora apo iki!¡Ibora, penébires iki,
atipana koshinbires katea riki!
Janra nato nete taxkétimaakin aká iki.
2 Ibó, jatian kamanra, min yakáti taxkétima koshi iki.
¡Miara jatíbitian jaa iki!
3 Non Ibó,
aniparobora xoo ikai itan anibechónbora wenitai;
4 Ibó, ikaxbi miara, bochikia ikax,
bechon winoa bebonbires koshi iki,
itan aniparobo xoo ikai winoabires iki.
5 Non Ibó,
min ati yoiabora wetsayamai.
¡Ja min jakonmanra, jatíbitianbires ja mia rabiti xobo jan raota iki!