Koshi Dios, itan joni jakon iketian jaon ratékin ointi
8
Ibó, miara non kikinbires koshi iki,¡Minra jatiobi mai iboake! ¡Min atipanara nai winobainbires pextin iki!
2 Bake maxkobo, itan xoma akai bakeshokobora, koshi min menia iki mia rabikananon ixon,
ja yoitimabo, itan min rawibo jaskáaxon jato keyo netémati kopí.
3 Ja min aká nai oinxon, itan ja oxe,
wishtínbo ja naikan min aká oinxonra,
4 en shinanai:
¿Jawerin ja joni?
¿Jawe jakon ikenkayaki jairaakin shinanni,
mia jaon ratetai?
5 Minra ja joni aká iki dios keskatanishaman,
minra imaa iki, koshi itan jakon iketian jaon ratéti,
6 min aká jawékibo yoiti koshira min menia iki,
jatíbi jawékibo janharesa itira min imaa iki:
7 carnerobo; wakabo itan inaatima yoinabo;
8 naikan noyai yoinabo;
aniparonko jaa yapabo,
¡Jatíbi ja aniparonko ikábo!
9 Ibó, miara non kikinbires koshi iki,
¡Minra jatiobi nato mai iboake!