3 Eka Obiapaka Iesu Keriso Hamana Tiramana kahabanamona,

ia ena aokoꞌo eapaꞌua paunai Iesu Keriso eꞌari ena mikiri mue maurina aonai aika ebarama muenaka,

ba buabeni tohana ebenaka.

4 Aika nahabuabena itau Tirama nahuna kebenakia.

Banamo weiana hanona aba ebaꞌoruna kupai uaꞌa wai ꞌeumi,

aꞌi kekiꞌa,

aꞌi keꞌopu,

abomo aꞌi keꞌakauma.

5 Tirama ena hiabu nihore niꞌaeanimi emi aꞌikakauma paunai keaomo bamauri weiana aba ebaꞌoruna kebawaira tinana rani orenai hauna katoaꞌina.

6 Neiana buonai aomi kenamo katoaonamo kiꞌa baha,

iamo bariu rani papana aomi tiaroꞌari pokina baihobo haeai haeai tihobonimi paunai.

7 Baihobo weiana hanona emi aꞌikakauma ena namo kebatohana.

ꞌA aꞌikakauma ena namo hanona gold weiana irubai tebanamona iamo aba keꞌakauma hauna ena namo etara haona.

Emi aꞌikakauma weiana tebahobona tebanamona hauna hanona Iesu Keriso kewaira tina berauranai ibanamomi,

iaꞌi taeami mai imarikiaimi tabanai keao.

8 Iesu aꞌi toiha ꞌapuana iamo turaonaꞌau aina.

Bariu aꞌi ṯoihana ia tuaꞌikakaumana ba tuaonamo aina,

aonamo apaꞌuana mai namona weiana hanona ꞌabiai ihina haraina aꞌi ketaina.

9 Pokina emi aꞌikakauma buabuana tuaꞌina,

weiana hanona aubami ibamaurikia tabana.

10 Mahabanai haukia weiakia Tirama ena aokoꞌo hoana wai heremiai kekaraꞌau hauna temahabanai haukia tehore bamauri weiana tetabu haraina abomo temarereai haraina.

11 Auba Robe Keriso euhuna hauna hanona mahabanai haukia aokiai emiaho,

Keriso ena haiara mai ena nuabi weiana haiara murinai kemai hauna ebaꞌiobinakia ihobonai ia hanona tebahobona kateꞌiobina rani tabanai abomo hoana aea homana.

12 Tirama mahabanai haukia herekiai ebawaira tinana ekia aka hanona kipokia ekia namo paunai ahaꞌi ia wai emi namo paunai,

abomo bariu pou namona neiana hanona teiroro aina haukia tehore Auba Robe kupai euhu ririna emai hauna ena baraibarai ai tebaꞌiobinimi.

Taba neiakia hanona aneru abomo tenuatae kateiha tinanakia.

13 Ua buonai aomi katoaꞌiaꞌi haraina,

katobaꞌoru emi buabeni maikoina hanona Iesu Keriso kewaira tina raninai aokoꞌo hoana kekaraꞌau ꞌeumiai.

14 Bariu aiaoꞌo miorimiai katoao,

hauanimi ekia nuatae babaikia kiꞌa obokia ꞌuainai aꞌi toꞌiobi raninai tobabainakia haukia aꞌi katobabainakia.

15 ꞌA eaparinimi Tiramana erobe ꞌabana wai abomimo katorobe emi hoahoa ikoikiai aokiai.

16 Puka robenai aba tererena,

17 Wai tuꞌarara Hamaka,

ia hanona maearima nibabakainakia raninai ihaihana enamo hauna aꞌi niraonana ia ha ha ena aka ena aka paukiai kebabakainakia.

Ua buonai emi miaho neia hanopakai hanona mai taꞌumi katomiaho ihobona hano haeai haumi ꞌabana.

18 Wai aba ṯoꞌiobina,

Tirama wai emi mauri kiꞌa obona weiana ꞌabaꞌabami tebenimi hauna aonai ebamaurinimi hanona hanopaka tabakia weiakia aba kateꞌakauma haukia silba ꞌao gold ꞌabakiai aꞌi ekawanimi,

19 ia Keriso aruaruna namona ꞌakina mamoe nahuna weiana haunai maniꞌa ꞌao kiꞌa ha ahaꞌi mamoena ꞌabanai ekawanimi.

20 Tirama hanona aba waꞌi baha hanopaka aꞌi erama baha aonai ia etinaꞌana,

ba rani orena neianai ewaira tina wai paumiai.

21 Wai Keriso paunai Tirama tuaꞌikakaumana,

ia hanona Keriso ꞌariai ebamikiri muena haeamona nuabi ebena.

Ua buonai wai emi aꞌikakauma mai emi buabeni hanona Tirama aonai nemiaho.

22 Bariu Tirama ena ꞌabi tohana iaꞌitaeanai aubami aba toutu harainakia,

uahoꞌabami kato raonaꞌauai tohanakia mai taearana buonai,

ꞌabami katoraonaꞌau ainakia mai aomi ikoinai.

23 Wai torama mue hanona uho weiana kepari haunai ahaꞌi,

iamo weiana aꞌi kepari hauna Tirama ena ꞌabi nimauri mai nemiaho banaibanai haunai torama mue.

24 Pokina Puka robenai tererena ꞌabana,