Lucasmi Bibliacho kaykaq ishkay librukunata qellqarqan. Punta kaq librumi kaykan San Lucas. Qepa kaq librunami kaykan Hechos. San Lucas libruchömi Jesucristo ruranqankunata musyanantsikpä qellqarqan. Hechos libruchönami Jesucristupa apostolninkuna Espíritu Santupa munayninwan rurayanqankunata musyanantsikpä qellqarqan.

Teófilo jutiyuq runapämi kay libruta Lucas qellqanä. Jesucristupa apostolninkuna willakuyanqanta y rurayanqanta Lucas qellqananpäshi gastukunata Teófilo kamaripänä. Tsaynö kaptinpis manami Teófilullapätsu Lucas qellqarqan, sinöqa llapan runakunapämi.