Tayta Dios juzganan junaq chämunanpä ninqan
4
(3.19) Llapanta mandaq Tayta Diosmi nin: “Wallkallanami pishiykan juzganä junaq chämunanpä. Tsay junaqmi imayka lunyaypa lunyar nina rupar oqshata ushanqannö llapan chölu tukuqkunata y mana alli runakunatapis chipyaq ushakätsishä. 2 (3.20) Qamkunapämi itsanqa, mantsapakamaq kayaptiki, rupay yarqamuqnö salvación shamunqa. Salvacionta chaskirmi imayka becërrukuna pañanqannörä kushishqa saltakachäyanki. 3 (3.21) Juzganä junaq chämuptinmi mana alli runakunata vinciskir uchpatanö jarur ushayanki. Noqa llapanta mandaq Tayta Diosmi tsaynö nï”.Elíasta kachamunanpä Tayta Dios ninqan
4 (3.22) Tayta Diosmi nin: “Sirvimaqnï Moisésta Horeb jirkacho† entreganqä leynïkunata imaypis ama qonqäyaytsu. Tsay leynïkuna y mandamientükunaqa llapan Israel runakunapämi kaykan.
5 (3.23) “Juzganä junaqqa pasaypa mantsariypämi kanqa. Tsay junaq manarä chämuptinmi profëta Elíasta qamkunaman kachamushä.† 6 (3.24) Pay willakuptinmi warmipis wamrankunawan y runapis tsurinkunawan amistayanqa. Wamrankunapis taytanwan y mamanwan amistayanqa.† Mana amistayaptinqa shamunqä hörami nacionninta ushakätsishä”.