Amósqa üsha mitsikuqmi karqan. Paytami Tayta Dios qayarqan profëtan kananpä. Tsay witsanqa Israel nacioncho Tayta Diosta adoraykarpis ïdulukunatami adorayarqan. Tsaynöllami wakin runakuna imaykayuq kayaptinpis wakin runakunaqa pasaypa imaynaq kayarqan. Tsaymi kay libruta liyir musyantsik ïdulukunata adorayanqanpita y imaynaqkunata mana yanapayanqanpita Tayta Dios pasaypa ajananqanta. Amósmi willakurqan qanchis pachak soqta chunka (760) watanö Jesucristo manarä yuriptin.