Israel runakuna Tayta Diosman yapay yärakuyänanpä ninqan
6
Tayta Diosman yapay yärakushun.Castigamarnintsikpis alliyätsimäshunmi.a
Yawarllana kanqantsikyaq asutaskamarnintsikpis jampimäshunmi.†
2 Wanushqanö kaykashqapis illaqpitami kawatsimäshun.
Ñöpancho kawanantsikpämi yanapamäshun.
3 ¡Tayta Diosman imanöpapis kutishun!
Patsa waraptin rupay yarqamunanpä kanqanta musyanqantsiknömi kuyapämänantsikpä kanqanta musyantsik.
Usya tiempu päsaptin tamya qallaykunanpä kanqanta musyanqantsiknömi yanapamänantsikpä kanqantapis musyantsik.
Tayta Dios contestanqan
4 Tayta Diosmi nin: “Efraín runakuna, ¡imatarä qamkunata rurayküman!
Judá runakuna, ¡imatarä qamkunata rurayküman!
Patsa waraptin pukutay raslla illakanqannömi qamkuna kuyayämanqaykipis kaykan.
Rupay yarqamuptin shullya illakaqnömi kaykan.
5 Tsaymi profëtäkunawan willakatsimunqänö qamkunata ushakätsiyashqä.
Willakatsimunqänömi qamkunata wanutsiyashqä.
Willakuynï aktsinö karmi tantiyatsiyäshushqayki jutsayuq kayanqaykita.
6 Ofrendakunata apayämunqaykipitapis mas munä kuyapäkuq kayänaykitami.†
Sacrificiuta rupatsiyanqaykipitapis mas munä noqata reqiyämänaykitami.†
7 “Adán mana cäsukamanqannömi qamkunapis pactu ruranqantsikta cäsukuykäyankitsu.
Cäsukayämänaykipä awniyämanqaykitapis manami cumpliykäyankitsu.
8 Galaad markachöqa mana alli runakunallami kaykäyan.
Tsaychöqa wanutsinakuyllami kaykan.
9 Sacerdötikunapis Siquemman aywaq nänichömi asaltaykäyan.
Paykunaqa runakunata wanuykätsiyan y tukuynöpami jutsatapis ruraykäyan.
10 “Israel nacionchöqa mantsariypä jutsata ruraykäyaqtami rikashqä.
Efraín runakunaqa runanta qanrataq warminömi juk dioskunata adoraykäyan.
Israel runakuna tsaynö rurar pasaypa melanaypämi kaykäyan.
11 Judá runakuna, qamkunatapis castïgu shuyaraykäyäshunkimi.
“Kuyanqä runakunata kuyapayta munarpis