Israel nacionpa mandaqnin reykunapä llakikunqan
“ ‘Mamaykiqa leönami karqan.
Payqa leonkunapa chawpinchömi tarqan.†
Tsaychömi wawankunatapis chuchurqan.
3 Juk wawantami shumaq shakshätsirqan maltayanqanyaq.
Cäzayta yachakuskirnami tsay leonqa runa mikuyta mäñarqan.
4 Tsayta musyaskirmi juklä nación runakuna pözuta uchkuykur tsayman jeqashqata tsariyarqan.
Nirkurmi cadinaskir Egipto nacionpa apakuyarqan.†
5 “ ‘Apayanqan wawan kutimunantami maman leöna shuyararqan.
Mana kutimuptinmi jukaq wawantana pasaypa yaqata shakshätsirqan.
6 Maltayarnami wakin leonkunawan purirqan.
Cäzayta yachakuskirnami paypis runata mikur mäñaskirqan.
7 Palaciukunatapis juchutsirmi markakunatapis ushakätsirqan.
Mantsariypä qayararmi pïmaytapis mantsakätsirqan.
8 Tsaynö kaptinmi ñöpan nacionkunapita y provinciakunapita runakuna qorikaskir pözuta uchkuyarqan.
Tsayman jeqashtanami mällankunawan tsariyarqan.
9 Cadinaskirmi jaulaman wichqayarqan.
Nirkurmi Babilonia nacionpa apaykur reyta entregayarqan.
Carcelcho wichqaraptinmi Israel jirkakunacho qayaranqan wiyakarqannatsu.†
10 “ ‘Israel runakuna, mamaykiqa karqan yaku kanqan chakracho üva plantaraykaqmi.b
Shumaq qarpashqa kar atska llimllankuna kaptin alli wayuq üvami karqan.
11 Reypa väranpänörämi llimllankunapis fuerti karqan.
Wakin üvakunapitapis mas altuyaq llimllasapa wiñaptinmi pïmaypis rikayarqan.
12 Tsaynö kaykaqtami pasaypa rabyanashqa llukiriyarqan.c
Rupay yarqamunan kaqläpita shamuq achaq wayrawanmi llapan wayuyninpis shushurqan.
Llimllankuna tsakiskiptinmi llapanta kayaskiyarqan.
13 Kananqa yaku mana kanqan tsunyaq tsaki chakrachönami plantaraykan.
14 Llimllankunapita nina tsarirmi llapan wayuyninta lunyar usharqan.d
Reypa väranpänö llimllankuna kanqanpis mananami kannatsu’.†
“Kayqa wanupakuy cantumi kaykan.
Tsaymi wanupakushqanö kay cantuta cantayanqa”.