Agradëcikur Tayta Diosta alabayanqan
12
Tsay witsanmi Tayta Diosta alabar niyanki:“Tayta Dios, qamta agradëcikurmi alabayäshayki.
Pasaypa ajanätsishqa kayaptïpis rabyayniki qallqushqanami.
Kananqa kushiskatsiyämankimi”.
2 Tayta Diosmi salvayämaqnï kaykan.
Tsaymi payman yärakur imatapis mantsayätsu.
Tayta Diosmi imaypis kallpata qaraman.
Paytami imaypis alabä.†
3 Pukyupita chuya yakuta upur kushikuqnömi salvayäshunqaykipita kushikuyanki.
4 Tsay junaqmi niyanki: “Tayta Diosta agradëcikur alabashun.
Pay salvamanqantsikta maytsay markakunachöpis willakushun.
Llapanpitapis mas munayyuq kanqanta willakushun.
5 Salmukunata cantar Tayta Diosta alabashun.
Mantsakaypä kaqkunata ruranqanpita maytsaychöpis willakushun.†
6 Sióncho taqkuna, kushikurnintsik cantashun.
Israel runakunapa santu Diosninmi munayninwan yanapamashqantsik”.