4
Tsay witsan wallkallanami kawaykar quëdayanqa. Tsaymi qanchis warmikuna juk runallata qechunakur niyanqa: “Pachäkunapä kikïkunami arukuyäshä. Latsapäkunatapis kikïkunami rurakuyäshä. Itsanqa japalla kayanqäpita pipis mana jamuräyämänanpä noqakunapapis runäkuna kaykullay”.Shamuq watakunacho kushishqa kawayänanpä ninqan
2 Tsay witsanmi Tayta Dios sheqllitsimunqan kuyayllapä y kushikuypä kanqa.
Mikuy alli poquptinmi kawaykar quëdaqkuna kushishqa y respitashqa kayanqa.
3 Tsaymi Sión jirkancho quëdaqkunapä y Jerusaléncho jaqiykuyanqan kaqkunapä runakuna niyanqa:
“Paykunaqa Tayta Diosta sirviq santu runakunami kayan”.
Tsay niyanqannömi kayanqa llapanpis Jerusaléncho padronashqa kaqkuna.
4 Jerusalén runakunata Tayta Dios castigarmi jutsa ruraq kayninkunatapis y wanutsikuq kayninkunatapis mayllanqa.
5 Nirkurmi yana pukutayta yuritsimur Sión jirkanta y tsaycho qoriraykaq runakunata tsapanqa.
Tsay pukutaymi jatun toldu mashtaraqnö paykunata tsapanqa.
Paqaspanami pasaypa atsikyarrä tsariykaq ninata yuritsimunqa.
Tsay jananpanami Tayta Diospa chipipiynin kaykanqa.
6 Tsaynöpami pasaypa achaypis rupanqatsu
ni tamyapis oqunqatsu
ni shukukuypis apanqatsu.