29
Yätsiyanqanta mana cäsukuq runaqa illaqpitami ushakanqa.2 Alli runa autoridä kaptinqa runakuna kushikuyanmi.
Mana alli runa autoridä kaptinmi itsanqa runakuna llakikuyan.
3 Tsurin tantiyakuq kaptinqa taytan kushikunmi.
Prostitütawan kakurqa qellaynintami ushan.
4 Nacionpa mandaqnin rey alli mandaptinqa llapanpis añawmi kawayan.
Imallapitapis impuestuta cobraptinqa muchuqmi tikrayan.
5 Amïgun mana alli ruraptin corriginanpa trokin alabarqa jutsa ruraymanmi jitarpun.
6 Mana alli runaqa jutsata ruranqanpitami ñakan.
Alli runami itsanqa imaypis kushishqa cantar kawan.
7 Alli runaqa muchuqkunapa janan shärirmi respitatsin.
Mana alli runami itsanqa ñakatsiyanqanta rikarpis kuyapantsu.
8 Wajukuq runaqa pïmaytapis ajanätsirmi purin.
Yachaq runami itsanqa ajanaykaqtapis kushitsin.
9 Yachaq runa mana yachaq runawan rimanakurqa manami arreglayta kamäpakunqatsu.
Ollqutupaptinpis y alli shimillanpa parlapaptinpis manami chaskikunqatsu.
10 Wanutsikuq runaqa jutsaynaq runakunatami pasaypa chikin.
Alli runami itsanqa runa mayinta kuyapan.
11 Mana yachaq runaqa imapitapis llutallami ajanan.
Yachaq runami itsanqa wiyaräkun.
12 Llullakuqkunata cäsuq autoridäqa yanapaqninkunatapis llutan ruraymanmi jitarpun.
13 Ñakaqpis y ñakatsiqpis Tayta Diospitami kawayta chaskiyan.†
14 Muchuqkunata kuyapaq reytaqa manami pipis mandaq kanqanpita jipinqatsu.
15 Wamrapis castigar corrigiptinrämi yachakun.
Mana corrigishqa wamraqa mamantami penqakuyman churan.
16 Diosta mana cäsukuqkuna atskaq kayaptinmi jutsa ruraykuna maytsaychöpis kaykan.
Tsay runakunata desgracia päsanqantami alli runakuna rikayanqa.
17 Tsurikita corrigirqa añawmi kawanki.
Alli kawaptinqa kushikunkimi.
18 Diospa willakuyninta mana cäsukurqa mana allimi runakuna kawayan.
Tayta Diospa leyninkunata cäsukurmi itsanqa alli kawayan.
19 Wätay llutanta ruraptinqa jinchi corriginki.
Alli shimillaykipa tantiyatsiptikiqa manami cäsushunkitsu.
20 Llutalla imatapis parlaq runapitaqa mana tantiyakuq runallapis yärakuypämi kaykan.†
21 Wätaynikita wamra kanqanpita patsa shumaq mana wätarqa waray warantinmi pësakunki.
22 Imallapitapis ajanaq runaqa piwanpis tinkuypami tinkun.
Wajukuq runaqa muna munaskirmi piwanpis maqanakun.
23 Runa tukuqtaqa pïmaypis penqakatsinmi.
Llampu shonqu runatami itsanqa pïmaypis respitarnin alabayan.†
24 Suwapa suwakuq mayinqa declarananpä mayjina juratsiptinpis manami willakuntsu.
Mana willakunqanpitami pasaypa castigashqa kanqa.
25 Mantsallïshu runaqa mana allimanmi chan.
Tayta Diosman yärakuqkunami itsanqa añaw kawayan.
26 Pïmaymi munayan mandaqnin yanapananta.
Tsaynö kaptinpis Tayta Diosrämi alli kawayänanpä yanapan.
27 Diosta cäsukuq runakunaqa jutsa ruraqkunawan manami takukäyantsu.
Jutsa ruraq runaqa alli runakunata pasaypami nanaparan.