26
Usya tiempucho rashta y cosëcha tiempucho tamya mana alli kanqannömi upa runata alabaypis allitsu.2 Oqrakashqa pichuychanka y oqrakashqa wayanïtua qeshunman mana chanqannömi jutsaynaq runamanpis maldicionayanqan chanqatsu.
3 Bozalwanmi cawalluta amansantsik.
Lätiguwanmi ashnuta manshuyätsintsik.
Mana tantiyakuq runataqa wiruypami corrigintsik.
4 Mana tantiyakuq runawan shimi shimi ama rimanakuytsu.
Rimanakurqa paynö mana tantiyakuqmi kaykanki.
5 Chölu tukuq runataqa mana runa tukuykänanpä sitiunman churay.
6 Mana yärakuypä runata ima encargutapis encargakurqa imayka chakikita pakikuqnömi kaykanki.
Tsay niraq runataqa ajanänallaykipämi encargakunki.
7 Chankan pakishqa runa puriyta mana kamäpakunqannömi mana tantiyakuq runapis shumaq yätsiyta kamäpakuntsu.
8 Warakaman rumita watanqan upa ruray kanqannömi mana tantiyakuq runata alabanqanpis kaykan.
9 Machashqa runa kashawan runa mayinta wirunqannömi mana tantiyakuq runa yätsinqanpis kaykan.
10 Pïmaytapis llutalla flëchanqan mana alli kanqannömi mana tantiyakuq runata minkakunqanpis mana alli kaykan.
11 Allquqa lanzapakunqanta yapaymi mikun.
Tsaynöllami mana tantiyakuq runapis yapay jutsata ruran.†
12 Alabakuq runaqa mana yachaq runapitapis peormi kaykan.†
13 Qela runaqa aruyta mana munarmi nin:
“Leonmi nänicho mikumanqa”.†
14 Kushpillancho punku tumanqannömi qela runapis cämallancho tikra tikraskir jitaräkun.
15 Qela runaqa plätun churapakushqa kaykarpis manami mikunallanpäpis chaqarkuntsu.†
16 Qela runaqa qanchis yätsikuq runakunapitapis mas yachaq kanqantami yarpan.
17 Juk rimanakunqanman jatikarqa kanikuq allquta rinripita tsariqnömi kaykan.
20 Tullpata mana waykapaptinqa nina upinmi.
Tullu shimi mana kaptinqa rimanakuypis manami kannatsu.
21 Carbón kaptinrämi shanshapis rupan.
Yanta kaptinrämi ninapis tsarin.
Tullu shimi kaptinrämi rimanakuypis kan.
22 Tullu shimi parlanqanqa imayka mishkinörämi runata mishkikatsin.
Tsaymi wiyaqkunapa shonqunyaq chaykun.†
23 Mitu mankata yuraq qellaywan laqaptinpis rurinpaqa kanqallanmi kaykan.
Tsaynöllami mana alli runaqa alli shimillanpa parlarpis shonqunchöqa mana allita yarpaykan.
24 Runa mayinta nanaparaq runaqa allitupayllapa parlaparpis shonqunchöqa ajapaykanmi.
25 Alli shimillanpa parlapäshuptikipis ama criyiytsu.
Shonqunchöqa contrayki shärinanpämi yarpachakuykan.
26 “Kuyapämi” nishuptikipis llapanmi musyayan ajapaykäshunqaykita.
27 Juk jeqananpä uchkuta uchkurqa kikinmi tsayman jeqanqa.
Jukta ñitinanpä rumita churaptinqa kikintami ñitinqa.
28 Llullakuq runaqa rasun kaqta parlaqkunata chikinmi.
Llullakuq runaqa pitapis ajanätsinmi.