19
24
Mana alli runakunapa imanpis kaptin ama nanaparaytsu ni paykunawan ama takukaytsu.2 Paykunaqa runa mayinta atacayänallanpämi yarpachakuyan.
Mana allita rurayänallanpämi willanakuyan.
20
3 Tantiyakuq runaqa shumaq yarpachakuskirmi cimientuta ruraykur wayita shäritsin.
4 Nirkurnami shumaq tantiyakuykur kuyayllapä rantinqankunata wayinman churan.
21
5 Yachaq kayqa kallpasapa kaypitapis masmi välin.
Tantiyakuq runaqa pasaypa munayyuqmi kaykan.
6 Shumaq yarpachakuskirrämi guërrata rurayan.
Atskaq yätsikuqkuna kaptinrämi guërracho vinciyan.†
22
7 Mana tantiyakuq runaqa senqan maycho kanqantapis manami musyantsu.
Tsaymi qorikäyanqancho parlananpä imapis umancho kantsu.
23
8 Pipapis contran shärinanpä yarpachakuqkunataqa mana alli runatanömi rikayan.
9 Mana tantiyakuq runaqa jutsa rurayllapämi yarpachakun.
Llutan parlaq runataqa pïmaypis chikinmi.
24
10 Ñakaykunata mana atiparqa waylläyumi kanki.
25
11 Pitapis wanutsinanpä kanqanta musyarqa qeshpitsiy.
Wanuy manarä chanqanyaq salvay.
12 Musyaykarpis “manami musyashqätsu” niptikipis Tayta Diosqa llapantami rikaykan.
Llapantapis musyaq karmi pïmaytapis kawanqanman tupu juzganqa.†
26
13 Hïju, abëjapa mishkinta mikuy.
Kawkayparä mishkinqanta musyanaykipä yawarkuy.
14 Tsay mishkita mikur kushikunqaykinömi tantiyakuq y yachaq karpis kushikunki.
Yachaq karqa pïmaypitapis respitashqami kanki.
Llapan yarpanqaykipis kamakanqami.†
27
15 Alli runapa contran ama shäriytsu.
Wayintapis ama suwapaytsu.
16 Qanchis kuti desgracia päsaptinpis manami tsayllachötsu usharanqa.
Mana alli runakunami itsanqa desgracia päsaptin ushakäyanqa.
28
17 Contrayki runata ima desgracia päsaptinpis ama kushipaytsu.
18 Tayta Diosqa manami munantsu pitapis kushipänaykita.
Kushipaptikiqa kikikitami castigashunki.
29
19 Mana alli runakunata ama ajanapaytsu.
Jutsa ruraq runakunapa imanpis kaptin ama nanaparaytsu.†
20 Paykunaqa desgraciallachömi ushakäyanqa.
Aktsi upiqnömi illakäyanqa.
30
21 Hïju, Tayta Diospita y reypita mantsapakuy.
Diosta y reyta mana cäsukuqkunawanqa ama takukaytsu.
22 Paykunataqa Tayta Diospis y reypis illaqpitami castiganqa.
Manami ni pï musyantsu imanö castigananpä kanqantapis.
Yachaq runakunapa wakin yätsikuyninkuna
23 Kaychöpis qellqaraykanmi yachaq runakunapa yätsikuyninkuna.
Pitapis jananpaypa autoridäkuna juzgayanqanqa manami allitsu kaykan.
24 Jutsayuq kaptinpis jutsaynaq kanqanta juez niptinqa runakuna maldicionayanqami.
Juklä nación runakunapis musyaskirqa mana allimi rikayanqa.
25 Jutsan kanqanman tupu juzgarqa alli rikashqami kanqa.
Pïmaypis favorninmi parlayanqa.
26 Imata tapukuptinpis shumaq tantiyatsiptinqa pïmaypis kushikuyanqami.
27 Wayita shäritsiyta munarqa puntataqa chakra aruynikitarä ushay.
28 Llutallaqa runa mayikipa contran ama imatapis parlaytsu.
Manakaqkunataqa pipäpis ama parlaytsu.
29 Runa mayiki contrayki shäriptinpis qamqa venganzata ama ashiytsu.
30 Juk kutimi päsarqä qela runapa y mana tantiyakuq runapa chakranpa.
31 Tsaychömi rikarqä chakranpis pasaypa purunyashqata y pirqanpis juchushqa kaykaqta.
32 Tsaynö kaykaqta rikaykurmi yarpachakur nirqä:
33 “Junaqyaq punukurqa jamayllapä wanurqa y makillayki oqllashqa karqa 34 pasaypa ñakaqmi rikakunki.
Jinchi armashqa suwa suwapäshuptiki jinaylla rikakuqnömi kanki”.†