Salmo 134 (133)
Tayta Diosta alabananpä ninqan
Kay salmuqa Jerusalénman aywaqkuna cantayänanpämi.
1 Tayta Diosta sirviqkuna, llapaykikuna alabayay.
Paqaskunapa Tayta Diospa wayincho kaqkuna, llapaykikuna alabayay.
2 Lugar Santu kaqläpa makikikunata joqarkur Tayta Diosta alabayay.
3 Ciëlutapis y kay patsatapis kamaq Tayta Dios Siónpita patsa qamkunaman bendicionninta churaykallämutsun.