Bildad yapay ninqan
25
Tsaypitanami Súa partipita shamuq Bildad nirqan:2 “Tayta Diosqa llapanpä munayyuq karmi mantsariypä kaykan.
Ciëluchöpis llapantami munaynincho katsin.
3 Paypa soldädunkunaqa yupaytapis mana atipaypämi.
Aktsinpis llapanpämi atsikyan.
4 “Tayta Diospa ñöpanchöqa manami pipis jutsaynaqqa kantsu.
Llapan runakunapis jutsayuqmi kayan.
5 Tayta Diospäqa killapa aktsinpis manami shumaqllaqa atsikyantsu.
Qoyllurkunapis manami pürutsu kaykan.
6 Tsaynö kaykaptinqa peorrächi runaqa kurunölla kar impüru kaykan”.