14
“Runaqa wallka watallami kawan.Kawanqanyaqqa pasaypami ñakan.
2 Imayka wayta shushur ushakanqannöllami ushakan.
Llantuy päsanqannöllami päsaqlla kaykan.†
3 Tsaynö kaykaptinqa ¿imanirtä imata ruranqantapis juzganki?
4 ¿Pirä impüruta püruyätsinman?
Tsaynöllami runapis jutsaynaq kayta kamäpakuntsu.
5 “Runataqa ayka wata kawananpäpis qammi destinashqayki.
Imay junaqyaq kawananpäpis qammi nishqayki.
Ayka wata kawananpä ninqaykipita mastaqa manami pipis päsantsu.
6 Tsaynö kaykaptinqa añaw kawananpä kachaykuy.
Mana castigaptikiqa arupakuq runa päguta chaskir kushikunqannömi añaw kawar kushikunqa.
7 “Jachaqa mutuptinpis sheqllimurmi yapay wiñan.
Raprankunapis lloqlluypa lloqllurmi wiñan.
10 Runami itsanqa wanur ushakäkun.
Wanuskiptinqa mananami imaypis rikantsiknatsu.
11 Usya witsan qocha tsakir ushakanqannö y raqraman aywaq yaku tsakir ushakanqannömi 12 runapis wanun.
Wanuskirqa manami imaypis kawarimunqanatsu ni rikchamunqanatsu.
13 “¡Ima allirä kanman ajanayniki qallqunqanyaq wanushqakunapa almankuna kaykäyanqan kaqman kachaykamaptiki!
¡Ima allirä kanman tsaypita kawaritsimänaykipä diyata jitapämaptiki!
14 Runa wanur ¿kawarimunqatsurä?
Kawarimunäpä kaptinqa kay patsacho pasaypa ñakarpis tsay junaqta shuyarämanmi.
15 Tsaymi qayamaptiki contestamushä.
Kamamaqnï karmi shumaq rikamanki.
16 Tsayöraqa manami castigamankinatsu, tsaypa trokinqa llapan mana allipitami tsapämanki.
17 Imatapis jitaskir qonqaqnömi jutsätapis qonqanki.
Llutanta ruranqäpitapis perdonamankimi.
18 “Tsaynö kaptinpis runaqa manami kawarimuntsu.
Jirkakunata juchutsinqaykinö,
qaqakunata pakir kuchpakätsinqaykinö,
19 rumita yakuwan qollushyätsinqaykinö
y alläpa tamyatsir juchutsinqaykinömi
runa yarpanqantapis ushakätsinki.
20 Imayyaqpis illakänanpämi runata ushakätsinki.
Pamparanqan kaqchömi ismutsinki.
21 “Wanukurqa tsurinkuna respitashqa kayanqantapis manami musyantsu.
Tsurinkunata ima desgracia päsaptinpis manami mayantsu.
22 Tsaypa trokinqa nanayllatami mayan.
Tsaynöpis kikillanpämi llakikun”.