3 Judápa tsurinkunami kayarqan Er, Onán y Sela. Paykunapa mamanmi karqan Canaánpita Súa. Judápa mayor tsurin Er pasaypa mana alli runa kaptinmi Tayta Dios wanuskatsirqan. 4 Llumtsuynin Tamarchömi Judápa tsurinkuna yuriyarqan Fares y Zera. Judápa llapan tsurinkunami pitsqa kayarqan.

5 Farespa tsurinkunami kayarqan Hezrón y Hamul. 6 Zerapa tsurinkunami pitsqa kayarqan. Jutinkunami karqan Zimri, Etán, Hemán, Calcol y Dara.

7 Carmipa tsurinmi karqan Acán. Paymi ushakätsinanpä nishqa kaykaptinpis munanqan kaqkunata apakur jutsayuq karqan Israel runakuna castigashqa kayänanpä.^† 8 Etánpa tsurinmi karqan Azarías.

9 Hezrónpa tsurinkunami kayarqan Jerameel, Ram y Quelubai.

10 Rampa tsurinmi karqan Aminadab. Aminadabpa tsurinmi karqan Naasón. Naasónnami karqan Judá trïbu runakunapa mandaqnin. 11 Naasónpa mayor tsurinmi karqan Salmón. Salmónpa tsurinmi karqan Booz. 12 Boozpa tsurinmi karqan Obed. Obedpa tsurinmi karqan Isaí. 13 Isaípa mayor kaq tsurinmi karqan Eliab. Paypa qepanmanmi yurirqan Abinadab. Abinadabpa qepanmanmi yurirqan Simea. 14 Simeapa qepanmanmi yurirqan Natanael. Natanaelpa qepanmanmi yurirqan Radai. 15 Radaipa qepanmanmi yurirqan Ozem. Ozempa qepanmanmi yurirqan David.^† 16 Paykunapa paninkunami kayarqan Sarvia y Abigail. Sarviapa wawankunami kayarqan Abisai, Joab y Asael. 17 Abigailpa wamranmi karqan Amasa. Amasapa taytanmi karqan ismaelita castapita Jeter.

18 Hezrónpa tsurin Calebpa warminkunami kayarqan Azuba y Jeriot. Paykunapa wamrankunami kayarqan Jeser, Sobab y Ardón. 19 Azuba wanuskiptinnami warminpä Caleb ashirqan Efratata. Paypa wamranmi karqan Hur. 20 Hurpa tsurinmi karqan Uri. Uripa tsurinmi karqan Bezaleel.

21 Soqta chunka (60) watayuq kaykarmi Hezrónqa warminpä ashirqan Maquirpa tsurinta. Maquir karqan Galaadpa taytanmi. Maquirpa tsurinchömi yurirqan Hezrónpa tsurin Segub. 22 Segubpa tsurinmi karqan Jair. Paypa munayninchömi kayarqan Galaad particho ishkay chunka kimsa (23) markakuna. 23 Tsaynö kaptinpis Gesur casta y Aram casta runakunami Jair y Kenat markakunaman yaykuskir llapanta qechuyarqan. Tsaynöllami ñöpancho soqta chunka (60) markakunatapis qechuyarqan. Manarä qechuyaptinmi tsay markakunacho taqkuna kayarqan Galaadpa taytan Maquirpita aywaraqkuna.

24 Caleb-efrata markacho Hezrón wanuskiptinnami warmin Abías qeshyakurqan Asurta. Asur karqan Tecoapa taytanmi.

25 Hezrónpa mayor tsurin Jerameelpa tsurinkunami kayarqan Ram, Buna, Orén, Ozem y Ahías. Ramqa karqan Jerameelpa mayor tsurinmi. 26 Jerameelpa jukaq warminpa jutinmi karqan Atara. Atarapa wamranmi karqan Onam.

27 Jerameelpa mayor tsurin Rampa tsurinkunami kayarqan Maaz, Jamín y Equer. 28 Onampa tsurinkunami kayarqan Samai y Jada.

Samaipa tsurinkunami kayarqan Nadab y Abisur. 29 Abisurpa warminmi karqan Abihail. Paypa wamrankunami kayarqan Ahbán y Molid.

30 Nadabpa tsurinkunami kayarqan Seled y Apaim. Seledqa tsuriynaqllami wanukurqan. 31 Apaimpa tsurinmi karqan Isi. Isipa tsurinmi karqan Sesán. Sesánpa tsurinmi karqan Ahlai.

32 Samaipa wawqin Jadapa tsurinkunami kayarqan Jeter y Jonatán. Jeterqa tsurin manarä kaptinmi wanukurqan. 33 Jonatánpa tsurinkunami kayarqan Pelet y Zaza.

Paykunami kayarqan Jerameelpita aywaraqkuna.

34 Sesánpaqa warmillami tsurinkuna kayarqan. Egiptupita apamunqan wätayninpa jutinmi karqan Jarha. 35 Jarhawanmi tsurinta Sesán tätsirqan. Paypa wamranmi karqan Atai. 36 Ataipa tsurinmi karqan Natán. Natánpa tsurinmi karqan Zabad. 37 Zabadpa tsurinmi karqan Eflal. Eflalpa tsurinmi karqan Obed. 38 Obedpa tsurinmi karqan Jehú. Jehúpa tsurinmi karqan Azarías. 39 Azaríaspa tsurinmi karqan Heles. Helespa tsurinmi karqan Elasa. 40 Elasapa tsurinmi karqan Sismai. Sismaipa tsurinmi karqan Salum. 41 Salumpa tsurinmi karqan Jecamías. Jecamíaspa tsurinmi karqan Elisama.

42 Jerameelpa wawqin Calebpa tsurinkunami kayarqan Mesa y Maresa. Mesaqa Calebpa mayor tsurinmi karqan. Mesapa tsurinmi karqan Zif. Maresapa tsurinmi karqan Hebrón. 43 Hebrónpa tsurinkunami kayarqan Coré, Tapúa, Requem y Sema. 44 Semapa tsurinmi karqan Raham. Rahampa tsurinmi karqan Jorcoam. Requempa tsurinnami karqan Samai. 45 Samaipa tsurinmi karqan Maón. Maónpa tsurinmi karqan Bet-sur.

46 Calebpa concubïnanpa jutinmi karqan Efa. Efapa wamrankunami kayarqan Harán, Mosa y Gazez. Haránpa tsurinmi karqan Gazez.

47 Jahdaipa tsurinkunami kayarqan Regem, Jotam, Gesam, Pelet, Efa y Saaf.

48 Calebpa jukaq concubïnanpa jutinmi karqan Maaca. Paypa wamrankunami kayarqan Seber y Tirhana. 49 Tsaynöllami paypa wamrankuna kayarqan Saaf y Seva. Saafpa tsurinmi karqan Madmana. Sevapa tsurinkunami kayarqan Macbena y Gibea. Calebpa warmi tsurinmi karqan Acsa.

50 Paykunami Calebpita aywaraqkuna kayarqan. Calebpa warmin Efratacho yuriq mayor tsurinmi karqan Ur. Urpa tsurinmi karqan Quiriat-jearim markata shäritsiq Sobal, 51 Belén markata shäritsiq Salma y Bet-gader markata shäritsiq Haref.

52 Quiriat-jearim markata shäritsiq Sobalpa tsurinmi karqan Haroe. Tsaynöllami Sobalpita mirayarqan pullan Manahet runakuna 53 y Quiriat-jearimcho taq runakuna. Quiriat-jearimcho taq runakuna kayarqan itrita runakuna, futita runakuna, sumatita runakuna y misraíta runakuna. Misraíta runakunapitami mirayarqan zoratita runakuna y estaolita runakunapis.

54 Belén markata shäritsiq Salmapitami mirayarqan netofatita runakuna, Atrot-bet-joab, pullan manahetita runakuna y zoraítata runakuna. 55 Tsaynöllami Salmapita mirayarqan Jabescho taq qellqayta yachaq runakuna. Paykunami kayarqan tirateo runakuna, simeateo runakuna y sucateo runakuna. Llapan tsay runakunaqa Hamatpita aywaraq ceneo runakunami kayarqan. Tsaynöllami Hamatpita mirarqan Recab runakuna.