Moisés wanutsinqan reykuna pï kayanqanpis
12
Jordán mayuta manarä tsimparmi ishkay reykunata wanutsir nacionninkunata Israel runakuna qechuyarqan. Tsay reykunaqa mandayarqan Arnón mayupita hasta Hermón jirkayaqmi. Tsay karqan Arabá pampa tsimpan rupay yarqamunan kaqläpami.2 Juk wanutsinqan reyqa amorreo runakunapa mandaqnin Sehónmi karqan. Paymi Hesbóncho tarqan. Rey Sehónqa mandarqan Arnón mayu ñöpancho kaykaq Aroerpita hasta Jaboc mayuyaqmi. Jaboc mayu amonita runakunapa lindërun kaptinmi pullan Galaadpis paypa munaynincho karqan. 3 Tsaynöllami Sehónpa munaynincho karqan Jordán mayu ñöpan pampakuna Cineret qochapitaa hasta Arabá Lamaryaq (Arabá Lamarqa Kachi Lamarmi kaykan) y Bet-jesimotpita sur kaqläpa aywar hasta Pisga niyanqan jirka chakinyaq. Tsaykuna karqan Arabá pampa tsimpan rupay yarqamunan kaqlächömi.
4 Jukaq wanutsinqan reynami Basán partipa mandaqnin rey Og karqan. Payllanami refaíta runa karqan. Og tarqan Astarotcho y Edreichömi. 5 Ogpa munayninchömi karqan Hermón jirkapita hasta Salcayaq, entëru Basán partipita hasta Gesur lindëruyaq y Maaca lindëruyaq. Pullan Galaadpis Hesbóncho taq rey Sehónpa lindërunyaqmi paypa munaynincho karqan.† 6 Tsay ishkay reykunatami Tayta Diospa sirviqnin Moisés Israel runakunawan vinciyarqan. Nirkur tsay partikunatami herenciata rakiparqan Rubén trïbuta,† Gad trïbuta y pullan Manasés trïbuta.
Josué wanutsinqan reykuna pï kayanqanpis
7 Israel runakunawan Jordán mayuta tsimpaskirmi atska reykunata Josué wanutsirqan. Tsay reykuna mandayanqan partikunami karqan Líbano pampacho kaq Baal-gadpita hasta Seir partiman aywaq Halac jirkayaq. Tsay partikunatami Israel trïbukunata Josué rakiparqan herencian kananpä. 8 Tsaymi Israel runakuna chaskiyanqan partikuna karqan jallqakuna kanqan partikuna, Sefela, Arabá pampa, lamar kuchun pampakuna, tsunyaq jirkakuna y Neguevpis. Tsay partikunaqa heteo runakunapa, amorreo runakunapa, cananeo runakunapa, ferezeo runakunapa, heveo runakunapa y jebuseo runakunapami karqan.
9 Wanutsinqan reykunami kayarqan:
Jericó markapa mandaqnin rey,
Bet-elpa ñöpancho kaykaq Hai markapa mandaqnin rey,
10 Jerusalén markapa mandaqnin rey,
Hebrón markapa mandaqnin rey,
11 Jarmut markapa mandaqnin rey,
Laquis markapa mandaqnin rey,
12 Eglón markapa mandaqnin rey,
Gezer markapa mandaqnin rey,
13 Debir markapa mandaqnin rey,
Geder markapa mandaqnin rey,
14 Horma markapa mandaqnin rey,
Arad markapa mandaqnin rey,
15 Libna markapa mandaqnin rey,
Adulam markapa mandaqnin rey,
16 Maceda markapa mandaqnin rey,
Bet-el markapa mandaqnin rey,
17 Tapúa markapa mandaqnin rey,
Hefer markapa mandaqnin rey,
18 Afec markapa mandaqnin rey,
Sarón markapa mandaqnin rey,
19 Madón markapa mandaqnin rey,
Hazor markapa mandaqnin rey,
20 Simron-merón markapa mandaqnin rey,
Acsaf markapa mandaqnin rey,
21 Taanac markapa mandaqnin rey,
Meguido markapa mandaqnin rey,
22 Cedes markapa mandaqnin rey,
Carmelucho kaykaq Jocneam markapa mandaqnin rey,
23 Dor provinciacho kaykaq Dor markapa mandaqnin rey,
Gilgalcho kaykaq Goim markapa mandaqnin rey
24 y Tirsa markapa mandaqnin rey.
Tsay llapan wanunqan reykunami kimsa chunka juk (31) kayarqan.