Sagrädu Toldupä ofrendakunata apayanqan
7
Shäritsiyta ushaskirnami Moisésqa sagrädu kananpä Sagrädu Tolduman y llapan manëjunkunaman aceitita tsaqtsuparqan. Tsaynöllami altarman y altarpa manëjunkunamanpis aceitita wiñaparqan. 2 Tsaypitanami censaycho yanapaq cada trïbupa mandaqninkuna† Tinkuna Sagrädu Tolduman ofrendankunata apayarqan. 3 Cada mandaqmi juk töruta aparqan. Cada ishkay mandaqkunami tsapanayuq juk carrëtata apayarqan. Tsaymi chunka ishkay törukuna y tsapanayuq soqta carrëtakuna kayarqan. Llapan apayanqankunatami Sagrädu Toldupa ñöpanman churayarqan.4 Tsaymi Moisésta Tayta Dios nirqan: 5 “Tsay carrëtakunata y törukunata chaskiskir levitakunata aypunki Tinkuna Tolduta apayänanpä”.
6 Tsaynö niptinmi carrëtakunata y törukunata chaskiskir levitakunata Moisés aypurqan. 7 Gersónpita aywaraq levitakunatami ishkay carrëtakunata y chusku törukunata aypurqan apayänanpä kaqkunata apayänanpä.† 8 Meraripita aywaraq levitakunatanami chusku carrëtakunata y puwaq törukunata aypurqan apananpä kaqkunata apayänanpä.† Paykunami sacerdöti Aarónpa tsurin Itamar mandanqanta rurayarqan. 9 Coatpita aywaraq levitakunatami itsanqa aypurqantsu. Paykunaqa sagrädu kaqkunatami umrushqa apayarqan.†
10 Altarta bendisayänanpämi tsay chunka ishkay mandaqkuna ofrendata qoriyanqanta apayarqan. Tsaymi sagrädu kananpä altarman aceitita wiñapaptin ofrendankunata altarpa ñöpanman churayarqan. 11 Tsaymi Moisésta Tayta Dios nirqan: “Altarta bendisayänaykipä ofrendankunata apamurqa qoyay qoyay cada trïbupa mandaqnin trukanakuypa apayämunqa”.
12 Punta kaq junaqchömi Judá trïbu Aminadabpa tsurin Naasón ofrendanta aparqan. 13 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami lasarqan qanchis chunka (70) siclo.a Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 14 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan.b 15 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 16 Purificatsina sacrificiupämi juk chïvuta aparqan. 17 Alli päsakuy sacrificiupänami aparqan ishkay töruta, pitsqa carnërukunata, pitsqa chïvukunata y juk watayuq pitsqa carnishkunata. Tsaykunami Aminadabpa tsurin Naasónpa ofrendankuna karqan.
18 Ishkay kaq junaqchönami Isacar trïbu Zuarpa tsurin Natanael ofrendanta aparqan. 19 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 20 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 21 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 22 Purificatsina sacrificiupämi juk chïvuta aparqan. 23 Alli päsakuy sacrificiupänami ishkay töruta, pitsqa carnërukunata, pitsqa chïvukunata y juk watayuq pitsqa carnishkunata aparqan. Tsaykunami Zuarpa tsurin Natanaelpa ofrendankuna karqan.
24 Kimsa kaq junaqchönami Zabulón trïbu Helónpa tsurin Eliab ofrendanta aparqan. 25 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 26 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 27 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 28 Purificatsina sacrificiupämi juk chïvuta aparqan. 29 Alli päsakuy sacrificiupänami ishkay töruta, pitsqa carnërukunata, pitsqa chïvukunata y juk watayuq pitsqa carnishkunata aparqan. Tsaykunami Elónpa tsurin Zabulónpa ofrendankuna karqan.
30 Chusku kaq junaqchönami Rubén trïbu Sedeurpa tsurin Elisur ofrendanta aparqan. 31 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 32 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 33 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 34 Purificatsina sacrificiupämi juk chïvuta aparqan. 35 Alli päsakuy sacrificiupänami ishkay töruta, pitsqa carnërukunata, pitsqa chïvukunata y juk watayuq pitsqa carnishkunata aparqan. Tsaykunami Sedeurpa tsurin Elisurpa ofrendankuna karqan.
36 Pitsqa kaq junaqchönami Simeón trïbu Zurisadaipa tsurin Selumiel ofrendanta aparqan. 37 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 38 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 39 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 40 Purificatsina sacrificiupämi juk chïvuta aparqan. 41 Alli päsakuy sacrificiupänami ishkay töruta, pitsqa carnërukunata, pitsqa chïvukunata y juk watayuq pitsqa carnishkunata aparqan. Tsaykunami Zurisadaipa tsurin Selumielpa ofrendankuna karqan.
42 Soqta kaq junaqchönami Gad trïbu Reuelpa tsurin Eliasaf ofrendanta aparqan. 43 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 44 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 45 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 46 Purificatsina sacrificiupämi juk chïvuta aparqan. 47 Alli päsakuy sacrificiupänami ishkay töruta, pitsqa carnërukunata, pitsqa chïvukunata y juk watayuq pitsqa carnishkunata aparqan. Tsaykunami Reuelpa tsurin Eliasafpa ofrendankuna karqan.
48 Qanchis kaq junaqchönami Efraín trïbu Amiudpa tsurin Elisama ofrendanta aparqan. 49 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 50 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 51 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 52 Purificatsina sacrificiupämi juk chïvuta aparqan. 53 Alli päsakuy sacrificiupänami ishkay töruta, pitsqa carnërukunata, pitsqa chïvukunata y juk watayuq pitsqa carnishkunata aparqan. Tsaykunami Amiudpa tsurin Elisamapa ofrendankuna karqan.
54 Puwaq kaq junaqchönami Manasés trïbu Pedasurpa tsurin Gamaliel ofrendanta aparqan. 55 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 56 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 57 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 58 Purificatsina sacrificiupämi juk chïvuta aparqan. 59 Alli päsakuy sacrificiupänami ishkay töruta, pitsqa carnërukunata, pitsqa chïvukunata y juk watayuq pitsqa carnishkunata aparqan. Tsaykunami Pedasurpa tsurin Gamalielpa ofrendankuna karqan.
60 Isqun kaq junaqchönami Benjamín trïbu Gedeonipa tsurin Abidán ofrendanta aparqan. 61 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 62 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 63 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 64 Purificatsina sacrificiupämi juk chïvuta aparqan. 65 Alli päsakuy sacrificiupänami aparqan ishkay töruta, pitsqa carnërukunata, pitsqa chïvukunata y juk watayuq pitsqa carnishkunata. Tsaykunami Gedeonipa tsurin Abidánpa ofrendankuna karqan.
66 Chunka kaq junaqchönami Dan trïbu Amisadaipa tsurin Ahiezer ofrendanta aparqan. 67 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 68 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 69 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 70 Purificatsina sacrificiupämi juk chïvuta aparqan. 71 Alli päsakuy sacrificiupänami aparqan ishkay töruta, pitsqa carnërukunata, pitsqa chïvukunata y juk watayuq pitsqa carnishkunata. Tsaykunami Amisadaipa tsurin Ahiezerpa ofrendankuna karqan.
72 Chunka juk junaqchönami Aser trïbu Ocránpa tsurin Pagiel ofrendanta aparqan. 73 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 74 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 75 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 76 Purificatsina sacrificiupämi juk chïvuta aparqan. 77 Alli päsakuy sacrificiupänami aparqan ishkay töruta, pitsqa carnërukunata, pitsqa chïvukunata y juk watayuq pitsqa carnishkunata. Tsaykunami Ocránpa tsurin Pagielpa ofrendankuna karqan.
78 Chunka ishkay junaqchönami Neftalí trïbu Enánpa tsurin Ahira ofrendanta aparqan. 79 Paymi qellaypita rurashqa juk plätuta y juk lavatoriuta aparqan. Tsay plätumi lasarqan juk pachak kimsa chunka (130) siclo y lavatoriunami qanchis chunka (70) siclo. Tsaykunatami pësarqan Tinkuna Sagrädu Tolducho kaykaq pësakunawan. Tsaki mikuy ofrendapämi tsay lavatoriucho y tsay plätucho aceitiwan pichushqa allinnin jarina junta kaykarqan. 80 Tsaynöllami junta inciensiuyuq qoripita rurashqa cucharonta aparqan. Tsay cucharonqa chunka siclumi lasarqan. 81 Tsaynöllami rupatsina sacrificiupä juk torïtuta, juk carnëruta y juk watayuq carnishta aparqan. 82 Purificatsina sacrificiupämi juk chïvuta aparqan. 83 Alli päsakuy sacrificiupänami aparqan ishkay töruta, pitsqa carnërukunata, pitsqa chïvukunata y juk watayuq pitsqa carnishkunata. Tsaykunami Enánpa tsurin Ahirapa ofrendankuna karqan.
84 Tsaynömi altarta bendisayänanpä Israel runakunapa mandaqninkuna ofrendankunata apayarqan qellaypita chunka ishkay plätukunata, chunka ishkay tazonkunata y chunka ishkay qoripita cucharonkunata. 85 Cada plätumi lasarqan juk pachak kimsa chunka (130) siclo y cada tazonnami qanchis chunka (70) siclo lasarqan. Tsaymi tazonkuna y plätukuna ishkay waranqa chusku pachak (2,400) siclo lasarqan.c Tsaykunatami pësayarqan Tinkuna Sagrädu Tolducho kaykaq pësakunawan. 86 Inciensiu junta chunka ishkay qori cucharonkunami cada ünun chunka siclo lasarqan. Tsaymi llapan qori juk pachak ishkay chunka (120) siclo lasarqan.d Tsaykunatami Tinkuna Sagrädu Tolducho kaykaq pësakunawan pësayarqan.
87 Rupatsina sacrificiupä apayanqan uywakunami karqan chunka ishkay torïtukuna, chunka ishkay carnërukuna y juk watayuq chunka ishkay carnishkuna. Tsay uywakunatami tsaki mikuy ofrendankunatawan apayarqan. Purificatsina sacrificiupä apayanqan chïvukunami chunka ishkay karqan. 88 Alli päsakuy sacrificiupä apayanqan uywakunanami karqan ishkay chunka chusku (24) torïtukuna, soqta chunka (60) carnërukuna, soqta chunka chïvukuna y juk watayuq soqta chunka carnishkuna. Altar sagrädu kananpä aceitita wiñapaskirmi tsay uywakunata rupatsir altarta bendisayarqan.
89 Tayta Dioswan parlananpä Tinkuna Tolduman yaykurmi Pactu Babulcho kaykaq ishkay querubín chawpinpita Tayta Dios parlamuqta Moisés wiyarqan. Tsay querubinkunaqa babulpa tsapanan jananchömi kaykäyarqan. Tsaychömi Moiséswan Tayta Dios parlayarqan.