เย บอ กาปรา กาเซา, แตห แม เฌา กายาต ฆางหราว ตัห โลง โดง กอย เย, แตห นอน บอกาเฆลียด กอ ลาต แบน อึม ดอ ตัห โลง แม เฌา.

2 แตห แม เฌา ตัห โลง, แตห รันซู แม กอ นับ ลอง แม, แตห เฆ อาโมยว ดูอี แดง กาดาย โยว ดียูห ดีเยณ ดี อาต แม, แตห อึณ ปี เงา กาซึม แปร บอ นับ ดี แตห อึม ซีนัม.

3 โคว, แม เฌา แฮะ ดึอม โบง อี หมึอม อาม กาเซา ดอ ตู นัมโหลห เย. ดอ อัน ตี, แม แฮะ ตัห โลง, แตห นอน บอกาเฆลียด บอ โยว ดียูห ดีเยณ กาเซา ดี อาต แม เฌา.

4 ซีณ ดอ โฆว ดี มึห กาดาย นี, ตู ดึอม มึห คอ อู วี อี แฮะ ดึอม นับ, ดึอม ยึร บอ โทม ลอง เฌาพรา ปอ อู กาดัง อี ปี แม เฌา, อี แฮะ โบง นา บอด นา หมึอม ดี เฆ ดูอี อี หน็อะ อึณด็อะ แม เฌา.

5 แม เฌา แฮะ ตัห จอย วี อี มึห น็อห โคย ดี โบง โดบ นา ซืร นา หมาน บอ วี อี นัมโหลห อึณเตณ ปี บยัะ แม เฌา ดี อัน. แม เฌา ยี แฮะ รู กาเซา ดี เย โกบ แฮะ ออน เย ดี วัห อึณเตณ ตี เซเซ. โกบ อึณ ปาย ตี อาว มึห อาเซ อี ปึอน คยอด เย.

6 แคะ กอย เย บอกาเฆลียด แฮะ แบน ปี ดูอี กาดาต. อี ซีงา บอด บอ นา ซืร นา หมาน ปี ดึอม โบง เย วี แบน โตต ปี ครึง กาดีห. หมาบ แปะ แฮะ โบง เย บอ ปี หลา เฮ อี แฮะ เฮียะ กาฮ็อห. หมาบ เย บอ แตห เย หราย ปี คูน ตัห บูด เตา เย.

7 อี ซาคึร ดี แม เฌา มืร, อึณ ตู มึห คอ อู วี. อี ฆาว ปวน แม เฌา มืร, อาว มึห คอ อู วี. โคว, แม เฌา แฮะ แวน เย, แตห เย ชึม ลึร โตต โกบ หมาบ ปี โบง เย ตี.

8 ปี บอ แฮะ ปาย ตี มืร, แม เฌาพรา ยี มูห ฆูณ เย. เย แฮะ ปี กาดาย กาปีด, แม เฌา บอ ปี ดา อี โบง กาโละ กาดาย. แคะ กอย เย บอกาเฆลียด, อึณ บอ มูห แม เฌา อี โบง เบลห เย.

9 โคว, เย วี หมาณ, แกวะ แตห แม รู กาเซา ดี เย. แกวะ แตห แม เฌา โนว หมาบ เย ตี เซเซ. แคะ กอย เย บอกาเฆลียด, เย บอ มูห ดูอี ปี อึบ แม เฌา. โคว, เย หมาณ แตห แม วี ยอด เย.

10 มืง ปี อึบ แม เฌา อี มูห มืง ซีงา บอด ตึอน, แฮะ ฮอต วี แบน แปร เฆ ยวน. มืง ฌีโอน แฮะ วี แบน แปร ตาง. มืง เยรูซาแลม มืร, แฮะ ฮอต วี แบน มืง อี แฮะ ลึร แฮะ ราม.

11 โฮว แม เฌา อี แฮะ ซีงา บอด, อี แฮะ ชีด กาเซา บอ มูห โดง ดึอม ตัห อืบ เฆ ฆูณ ดัง เย ดี แม เฌา มืร, เงา แฮะ ฮอต กาซึม โตต. อี มูห โดง แปะ แฮะ ร็อก แฮะ อึง เย มืร, แฮะ ฮอต ลึร กาปยาต โตต.

12 อึย แม เฌาพรา, อึณ ปี แม เฌา มืร ตู ดืน ตู ณึงราง ยึร ลอง อัน ตี. แม เฌา มืร ตู โบง มาเซ. แม บอ เบลห แวน เย, แตห เย คัม ดูก ตาง ตี.