1 โฆรห ทูง นี, อึณ บอ มูห ปี แดม อาซาโลวโมว. เซ ฆอน อีมาย มึห อางยาน, ฆูณ อัน บอ โคย กาเซา. เซ ฆอน อีมาย ยี รึร, อึณ ดี บอ ดูก ดี น็อห มา อัน.

2 โกรวกราม ปี ปึอน อี ดี นา ตู หมึอม อาว แบน อาฆยึร มาเซ. เซ เอ ยี โบง นา ซืร นา หมาน, อึณ นับ ดี คยอด บอ อาซาก เอ.

3 เฌาพรา ตู แตห เฆ ดูอี อี มึห น็อห ซืร น็อห หมาน เอต ปี ดี โฮม. ปี ซี ปึอน เฆ ดูอี ฮาย, อัน เฌา ยี ดี ปยาต แวน.

4 เฆ ดูอี กราน, เฆ ดี บอ เอต บอ ฆีน. เฆ ดูอี ออน ดี โบง แบน โมยว แบน โมยว, เฆ ดี บอ ครัม บอ มึห.

5 วี เหมา อี นับ ดี แฆบ กาฌูะ อูน ปี ดี โฮม ดอ อาคราว โซะ, อาคราว มัห, อัน มูห ฆอน อี มึห อางยาน. วี เหมา อี อีด ดอ อาคราว โซะ, อัน ดี แตห ฆูณ มา อัน ซาย อี.

6 ดูอี อี มึห น็อห ซืร น็อห หมาน, อัน ดี บอ ปึอน ม็องการา ปี ดัว เฌาพรา. ดูอี อี กาลาง มี โฆรห ฮาย แตห อึณ แบน มี ดูก ดี อี.

7 เซ เอ โหลห ดูอี น็อห ซืร น็อห หมาน, อึณ ดี บอ หมึอม ดี เอ. เซ อึณ ยี มูห ดูอี ฮาย, อาว มึห อาเซ อี นัมโหลห อัน.

8 เฆ ดูอี อี มึห อางยาน, เฆ ดี บอ โทม โฆรห ปี จัร อี. เฆ ดูอี รึร, ดูอี โมต กืน, เฆ ยี ดี ลึร ชึม โตต.

9 ดูอี อี มึห น็อห ซืร น็อห หมาน, อัน ดี บอ กอย ดาคึย. ปี โบง ดูอี อี มึห น็อห โฆะ น็อห แฆะ, อึณ ดี บอ ลึห ซีคยา ดี อี.

10 เฆ อี นับ ดี กายับ งาย ดี อี, เฆ โบง แตห อึณ ดูก ดี อี. เฆ อี ยัะ ดี กาลาง บยัะ ลอง หมาบ, เฆ ดี แตห อี ลาย กาเอห กาแทณ วี ลาย โพรม.

11 โฆรห ปี กาลาง ดูอี อี มึห น็อห ซืร น็อห หมาน, อึณ ปี อึม อี แตห ดูอี มึห อาซาก. โฆรห เฆ ดูอี ฮาย ยี แตห อึณ แบน ดูก ดี อี.

12 เซ อี ลาย ฌ็อง, อึณ แตห เฆ ลาย กาลูต กาแทณ. เซ อี ลาย ร็อก, อึณ แตห เฆ ลาย ฆ็อห แวน หมาบ.

13 อาเซ นับ ดี กาย็อห อี หมึอม อี ตู หมึอม, อัน บอ นับ ดี กาลาง โฆรห อี มึห อางยาน. ดูอี รึร ยี โลว คัม อึณเพียะ.

14 ดูอี อี มึห อางยาน, อัน แกร ดี นับ แบน โมยว แบน โมยว. โฆรห ปี กาลาง ดูอี รึร, อึณ ดี แตห อัน ชึม.

15 โกรวกราม เฆ ดูอี ครัม, อึณ ปี มืง อี มึห แรง อี แตห เฆ กอย ซีคยา. โกบ แฮะ กืน กาเซา ปี ตู มึห ดูอี ฆีน, อึณ ดี แตห เฆ ชึม.

16 อาฆยึร ปี โบง เอ นา บอด นา หมึอม, อึณ แตห เอ มึห อาซาก. อาฆยึร ปี โบง เอ นา ตู หมึอม, อึณ แบน หมาบ ดี เอ.

17 อาเซ โทม ปี มาโนว อี, อัน ดี มึห อาซาก กามาย. อาเซ ยี แวน ปี มาโนว อี, อัน ดี กาลึบ.

18 เฆ อี เครียง น็อห ฌ็อง เฆ, เฆ มูห ดูอี ซีมา กาโลว. เฆ อี กาย็อง อี เฮา, เฆ มูห ดูอี รึร.

19 อาเซ กาลาง โฆรห กืน, อึณ บอ นับ ดี แบน หมาบ ดี อัน. อาเซ แป ดี โอด, แป ดี ยืน โมต อัน, อัน แฮะ มึห อางยาน.

20 โฆรห ปี กาลาง ดูอี อี มึห น็อห ซืร น็อห หมาน, อึณ บอ ปี รึอน แฌด. ปี เฌณฌา ดูอี ฮาย, อึณ ยี ตู มึห ดีโคว.

21 โฆรห ปี กาลาง ดูอี อี มึห น็อห ซืร น็อห หมาน, อึณ บอ แบน อาฆยึร ดี ดูอี กืน. เฆ ดูอี รึร, เฆ ดี บอ ยัม โกบ ตู มึห เฆ อางยาน.

22 นา บอด นา หมึอม ปี ม็องการา ดัว เฌาพรา, อึณ แตห ดูอี มึห, แตห ดูอี ครัม. อัน เฌา ยี ตู แตห อึณ แบน น็อห กาฮัวะ ดี ดูอี ครัม ตี.

23 ดูอี รึร บอ โบยว ดี โบง หมาบ. เฆ ดูอี หล็อก แหลม ยี อึง ดี โดบ อางยาน.

24 เฆ ดูอี อี มึห น็อห ซืร น็อห หมาน, เฆ ดี ปึอน ปี ซี ปึอน เฆ. อี มูห เฆ ดูอี ฮาย, เฆ ยี ปึอน ปี โยว เฆ.

25 เฆ ดูอี ฮาย, เฆ ดี บอ หราย ดอ มึห คูน ตาง ตัห. เฆ ดูอี อี มึห น็อห ซืร น็อห หมาน, เฆ ยี กอย ซีคยา, กอย ดาคึย เซเซ.

26 เซ แม จัร ดูอี กราน รัณ ฆาน แม. อึณ ดี ปี แม โฮม ปราง อี แตห หราง แม กาฮีว. อึณ ดี บอ ปี ดัก ลึบ แคง งาย แม.

27 แตห แม โรวเซ เฌาพรา. อึณ ดี แตห อาซาก แม โต็ง. อี มูห เฆ ดูอี ฮาย, เฆ ยี เจว ยัม.

28 ปี หน็อะ อึณด็อะ เฆ ดูอี อี มึห น็อห ซืร น็อห หมาน, อึณ มูห นา โบยว ดาคึย. ปี หน็อะ อึณด็อะ เฆ ดูอี ฮาย, อึณ ยี แตห เฆ กาลูต น็อห.

29 เฌาพรา ดี บอ แร บอ ฆ็อง เฆ อี มึห น็อห บอด น็อห หมึอม, อัน ยี แวน เฆ อี โบง หมาบ, แตห เฆ ชึม.

30 เฆ อี มึห น็อห ซืร น็อห หมาน, เฆ ดี ปึอน ดี กอย ดาคึย แคง มืง โดง กอย เฆ. เฆ อี ตู หมึอม ยี ตู ปึอน ดี กอย แคง มืง ปี ดัว อัน เฌา ดี เฆ.

31 โฆรห ปี กาลาง เฆ อี มึห น็อห ซืร น็อห หมาน, อึณ บอ มึห อางยาน. โฆรห ปี กาลาง ดูอี ฮาย, ดูอี ตู หมึอม, ยี โลว แวน, แกวะ แตห อี โทม.

32 แคะ กอย เฆ ดูอี อี มึห น็อห ซืร น็อห หมาน, เฆ นับ ดี กาลาง โฆรห ดาคึย อี หมึอม โทม บอ ล็อะ น็อห อี. เฆ อี ตู หมึอม ยี นับ ดี กาลาง มี โฆรห โฆะ แฆะ.