1 อางยาน ปี อีบึณ อี แฮะ ซัม กาง. อัน แฮะ ซัม ร็อง อาดา บู ณ็อง, แตห อึณ เฌะฌูง โตต ดอน โมยว.

2 อัน แฮะ ฮอต ง็อห โดว ซัดดาวา, ต็อห ดี โบง บลอย. อัน แฮะ แรน อูน บอ อึม มางูน, แฮะ เบลห แดง มาตีณ, แตห เฆ โฮม.

3 อัน แฮะ จัร แดเจณ อัน อี มูห อีบึณ, แตห เฆ ฮาว บาง แคต. แตห เฆ กาลาง ดี โดง จา แคง มืง ต็อห,

4 “อึย เบ ดูอี ดอน อี, วี เหมา อี รึร, แตห อัน ตัห โดง กอย โอว.” แฮะ ฮอต, อัน ปี วี ต็อห ดี เฆ ดูอี อี ตู นับ ดี กาพา,

5 “ตัห, โอว แตห เบ ตัห โฮม ปี ดี โฮม, เดียง อึม มางูน แปะ แฮะ แรน อูน โอว.

6 แตห เบ วัห อี รึร, แตห เบ อีม, แกวะ แตห เบ เจว ยัม, แตห เบ มึห อางยาน.”

7 ปาย ตี, วี เหมา อี มาโนว ดูอี ปีคึก, อัน อี ดี กาดูห เอห. วี เหมา อี กาลาง หมาบ ดี ดูอี ฮาย ดูอี มืก, อัน ดี กาดูห นา จีจีว.

8 แกวะ มาโนว ดูอี ปีคึก, อัน ดี ฌ็อง แม. เซ แม มาโนว ดูอี อี มึห อางยาน, อัน ดี ร็อก แม.

9 เซ แม กาลาง แบน โมยว แบน โมยว ดี ดูอี อี มึห อางยาน, อางยาน อัน ดี แว มึห กาปัว. แคะ ปี กาลาง แม ดี ดูอี อี มึห น็อห ซืร น็อห หมาน, อึณ ดี แตห อัน แว นับ กาปัว.

10 อาเซ ซี ปึอน อางยาน บอด โลว โรวเซ เฌาพรา ดี อาต. เซ แม นับ เฌาพรา อี บอด กาเซา, แม ดี มึห บอ อางยาน.

11 โอว อี มูห อางยาน ตี, โอว ดี จอย แตห อาซาก แม โต็ง, แตห แม กอย แบน ซีนัม แบน ซีนัม.

12 เซ แม มึห อางยาน, อึณ ดี แบน อาฆยึร ดี แม. เซ แม ยี แวน, อึณ แบน ดูก ดี แม.

13 ลอง อี ตู หล็อก ตี, อึณ ปี อีบึณ อี รึร บอ กาลาง โฆรห ตาง, ยี ตู นับ มาเซ.

14 อัน บอ ตูต บาง มาโลห แคง กาง อัน. มัง เฌณ บอ ตูต โดง จา กาแต มืง.

15 อัน แดะ เฆ อี ฮาว โดบ อึณเตณ, เฆ อี ฮาว ฮาว, ตัห ตัห.

16 อัน ต็อห, “อึย เบ ดอน อี, วี เหมา อี รึร, แตห อัน ตัห โดง กอย โอว.” แฮะ ฮอต, อัน ปี วี ต็อห ดี ดูอี อี ตู นับ ดี กาพา,

17 “อึม ปี ปรา อี ดี เดียง, อึณ ซีแงห กาเซา. ปี ดี โฮม ปี ปรา อี ดี โฮม บอ แว ซีแงห.”

18 เฆ อี โทม โฆรห ปี กาโลว อัน ตี, เฆ ยี ตู นับ, กาง อัน มูห โดง กอย กาเปรา ดูอี ยัม. เฆ อี ฮาว ดี กาง อัน, อึณ ปี เฆ โลง มืง มารานัะ.