1 อึย แม เฌาพรา, อึณ แฮะ ดูก กาเซา ดี น็อห โอว, อึณ แฮะ ปี โอว แฮะ เจต แคง อึม อี ลึก กาเซา. โอว วี ซาคึร แดะ แม เฌาพรา.

2 โอว หมาณ, แตห แม เฌา โทม โฆรห ปี ซาคึร ปี หมาณ โอว ดี แม. โอว หมาณ, แตห แม กาเว โอว.

3 เซ แม เฌา ดึห ดี โนว หมาบ ปี โบง อี, อาว มึห คอ อู วี, อี ลอด คัม หมาบ อัน.

4 มาแล, แม เฌา ยี มึห น็อห ซี ฆ็อห แวน หมาบ เย, วี แตห เย ปึอน ดี โรวเซ แม.

5 โอว บอ อูน น็อห ดี บัร ปัน ดี จอย แม เฌาพรา, โอว บอ หณึม บึง โฆรห อัน เฌา.

6 โอว บอ หน็อะ แม เฌาพรา หลึอม ดูอี บัร มืง, หน็อะ ปัน ดี ฌัม บลาง แปร. โอว บอ หน็อะ แม เฌา หลึอม ดูอี บัร มืง ตี.

7 เบ ดูอี อีซาเรลัะ, แตห เบ หน็อะ อึณด็อะ เฌาพรา. โคว, อัน เฌา มึห น็อห ร็อก กาเว อี. อัน มึห บอ น็อห ซี คยอด อี เซเซ.

8 อัน เฌา ดี บอ คยอด เฆ ดูอี อีซาเรลัะ อี มูห ดูอี ปี อึบ อัน, แตห เฆ ลอด เลห แคง อี ตู หมึอม บอ แคง หมาบ เฆ.