1 โอว ซากึห ยอด นอน. อี ดี จอย โอว ดี บอ ตัห ดี เหมา?

2 อึณ มูห เฌาพรา, อี พาน เบลห กาดาย เฆ ฆางหราว, อัน ดี จอย โอว,

3 อัน เฌา ตู แตห เปลา แม ดีปลาด. อัน มูห อี ดี แร ดี ฆ็อง แม. อัน มืร ตู อีด ปีว.

4 อัน เฌา อี แร อี ฆ็อง เฆ ดูอี อีซาเรลัะ, อัน ตู นับ ดี มาโมะ อีด ปีว ดอ เหมา.

5 เฌาพรา ดี ยอด แมน แม. อัน ดี กอย โคบ แม, ปี ยาบ อี อับ ดี แม.

6 ดอ กาแต ซีแง, ซีแง มืร ตู ซอดาด กาเซา ดี แม. บอ แคง หมึร, มาเฆียน มืร ตู ปาย เหมา ดี แม.

7 เฌาพรา ดี แร ดี ฆ็อง นา จีจีว ดอน โมยว ดี แม, วี แตห แม กอย ดาคึย ฆยามซา.

8 ซีณ ดอ ตี นี, แม ดี บอ ลึบ บอ เลห ดี เหมา, เฌาพรา ดี บอ ยอด แมน แม เซเซ.