1 อึย เฌาพรา, เฆ ดูอี อาโมยว เฮา แฮะ ฮอต ตัห ฌัม แคง มืง ปี อึบ แม เฌา. เฆ ตู โรวเซ โฮว แม เฌา, แฮะ โบง แตห อึณ คย็อะ. เฆ แฮะ ปยาต บอ มืง เยรูซาแลม.

2 เฆ แฮะ ง็อห ยัม แดเจณ แม เฌา, วี แตห มาซีม อี กอย แคง เบลณ โฮม. ยัง เฆ ดูอี อี ซีงา บอด ตี แฮะ แบน ปี ดี โฮม มาโดว แปร.

3 หนาม เฆ ดูอี อาโมยว แม เฌา แฮะ คูงคร็อห ดอน นา ดอน โปละ แคง มืง เยรูซาแลม. อึณ แฮะ แหล ปี อึม. อาว มึห อี ดีบ ดูอี ยัม คอ อู วี.

4 เฆ ดูอี อาโมยว เฮา อี กอย โคบ เย, เฆ กาณัห เย, แนนัะ เย.

5 อึย แม เฌาพรา, แม ดี บอ รู ดี เย เซเซ? ปัน เหมา แม เฌา ดี แวน น็อห กาฮ็อห แม ตี?

6 โอว หมาณ, แตห แม เฌา เบลห น็อห รู น็อห จาว แม ตี ดี เฆ ดูอี อาโมยว เฮา, อี ตู บึง แม เฌา, อี ตู ซาคึร ฆาว ปวน แม เฌา.

7 โคว, อึณ มูห เฆ อี แฮะ ง็อห ยัม ดูอี แม เฌา. เฆ แฮะ ปยาต บอ มาน มืง ปี อึบ แม เฌา.

8 หมาบ แปะ แฮะ โบง ดา ดา เย, แกวะ แตห เย วี คัม. เย หมาณ, แตห แม เฌา วี จอย วี กาเว เย ครัน ครัน โกบ แฮะ กาดูห เย ดูก ตาง.

9 อึย แม เฌาพรา, แม เฌา มูห อี จอย อี คยอด เย. เย หมาณ, แตห แม เฌา คยอด เย บอ ฆ็อห แวน หมาบ เย ดอน โมยว, แตห ดอน อี วี อืบ แม เฌา อี มึห ปวน บอ อาพูง ดังโคว ตาง กาเซา.

10 แกวะ แตห เฆ ดูอี เฮา ปึอน ดี ต็อห, “เหมา เฌาพรา เบ กอย?” เย หมาณ, แตห เย ยึร แม เฌา ดัม หมาบ ดี เฆ ดูอี อาโมยว เฮา, อี แฮะ ง็อห ยัม ดูอี แม เฌา ตึอน.

11 เย หมาณ, แตห แม เฌา โทม ปี หงูน เฆ อี กอย แคง กาปึม. เฆ อี เฮา แฮะ ฮอต ซูงพยาด ดี ง็อห ยัม เฆ. แตห ปวน แม เฌา ยี คยอด เฆ.

12 แตห แม เฌา วี โบง เวียะ ดี เฆ ดูอี อาโมยว เฮา ตี แคะ โบง เฆ ดี เย. แตห อึณ กอ วี หลึอม บู บูน. แตห เฆ วี คัม แปะ แฮะ แนนัะ เฆ ดี แม.

13 ปัน ตี เย อี มูห ดูอี อาโมยว แม เฌา, เย อี ปี มาบู แปะ แฮะ เฮียง แม เฌา, เย ดี อืบ แม เฌา เซเซ. เย ดี บอ ดาง ฆูง เฆฌู ดี แม เฌา ดอน โจว ดอน บาน.