1 อึย เบ ดูอี บอกาเฆลียด อี กอย แดง กาดาย, แตห เบ ต็อห โหมว ดาคึย บอ อืบ เฌาพรา.

2 แตห เบ ต็อห โหมว อี อืบ อาพูง ดังโคว อัน เฌา. แตห เบ ต็อห, “อาพูง ดังโคว แม เฌา แฮะ ตาง กาเซา.”

3 แตห เบ กาลาง ดี เฌาพรา ต็อห, “แปะ แฮะ โบง แม เฌา แฮะ หมึอม อาม กาเซา. แม เฌา แฮะ มึห อาพูง ดังโคว ตาง, แตห รันซู แม เฌา บอกาเฆลียด โลว โฆม ฆึบ ดี อาต แม เฌา.

4 แคะ กอย ดูอี แดง กาดาย บอกาเฆลียด, เฆ ดี บอ กรึบ โตต แม เฌา. เฆ ดี ต็อห โหมว อี อืบ แม เฌา.”

5 แตห เบ ยอด อี หมึอม อาม แปะ แฮะ โบง เฌาพรา, แตห อึณ จอย ดูอี.

6 อัน เฌา แฮะ โบง แตห อึม นัมมูกซารา ฮีด, แตห อึณ ลึห กาดาย, แฮะ แตห ดา ดา เอ ตึอน ปึอน ดี กาโลห ฮาว. แตห เอ โคย กาเซา โกบ แฮะ โบง เฌาพรา ปาย ตี.

7 อึณ มูห ปวน เฌาพรา ตี อี อึบ เอ เซเซ. อัน เฌา บอ ยอด บอ ยึร แคะ กอย ดูอี ดอน โมยว. เฆ ดูอี อี แวน อัน เฌา, แกวะ แตห เฆ ปึอน ดี ปีคึก น็อห เฆ.

8 แคะ กอย เอ ดูอี, แตห เอ บอ อืบ มยูก เฌาพรา. แตห ดอน อี ปึอน ดี ยึร โหมว ปี ต็อห เอ.

9 อัน เฌา แฮะ บัร รีด อาซาก เอ, แกวะ แตห เอ ยัม.

10 แม เฌาพรา, แม แฮะ เทว น็อห เย, แตห อึณ ปี อี ทารอง รึอน.

11 แม เฌา แฮะ โบง, แตห อึณ ดูก ดี น็อห เย, แฮะ ปี เย กอย แคง ยอต, แฮะ ปี บอ เย ปัห โกรว จัน.

12 แปะ แฮะ โบง แม เฌาพรา ดี เย, อึณ แฮะ ปี อี เฮา แฮะ ป็อะ ฆีณ เย. อึณ บอ ปี เย แฮะ กาโลห บอ อึม บอ เงา. มาแล, แม เฌา ยี วี แยต แตห เย ฌัม โดง โบยว ดาคึย.

13 โอว ดี ฮาว แคง โฮว แม เฌา, หลู ปี หลู อี โดะ ดี เงา. โอว ดี โบง แคะ ปี ดึอม กาแซณ โอว.

14 ดอ ฌัม โอว ดูก ตาง, โอว แฮะ กาแซณ ดี โบง แบน โมยว แบน โมยว. ดอ ตี นี, โอว ดี วี โบง แคะ ตี.

15 โอว ดี ดึห มาบู อาโล็ง อี ฆลัณ ซีคยา, แตห อึณ แบน ปี หลู อี โดะ ดี เงา, แตห อึณ อูห หงูน ดี อาต แม เฌา. แดง ตี, โอว ดี ดึห บอ มาแป เฆ มามัก, หลู ดี แม เฌา.

16 อึย เบ ดูอี อี โรวเซ เฌาพรา บอกาเฆลียด, แตห เบ ตัห โทม. โอว ดี กาลาง แปะ แฮะ โบง เฌาพรา ดี โอว.

17 โอว แฮะ ต็อห โฆรห ตาง, ซาคึร ดี เฌาพรา. โอว มืร แฮะ อืบ อัน เฌา.

18 ดอ อัน ตี เซ อึณ มึห อี ตู หมึอม แคง น็อห โอว, อัน เฌา มืร ตู โทม โฆรห ปี ซาคึร โอว.

19 ดอ ตี นี, อัน เฌา แยะ แฮะ โทม โฆรห ปี ซาคึร โอว. อัน เฌา แฮะ โนว ปี หมาณ โอว ดี อัน.

20 โคว, โอว อืบ เฌาพรา โกบ ตู แวน อัน เฌา โฆรห ปี หมาณ โอว. อัน เฌา มืร ตู แวน น็อห ร็อก กาเว อัน ดี โอว.