1 โอว บึง มี เฌาพรา อู กาดัง. มี อัน เฌา อี แตห น็อห โอว เยน. อึณ มูห อัน เฌา อี ดี คยอด โอว.

2 เฌาพรา บอ ปี ดาอาง มาว อี แตห โอว กอย ซีคยา. อัน ดี บอ คยอด โอว. อัน แตห โอว กอย ซีคยา, ตู แตห โอว ชึม ดอ เหมา.

3 เบ บอกาเฆลียด, แกวะ แตห เบ มัห เหลณ ดูอี อู วี อี ปี แรง มาว มาอูด บอ โล็ง อี แฮะ เกียง, แฮะ รีน ดี เกห.

4 เบ บอ คราม ดี โบง แตห อัน โจห โลง โดง จา, โดง กอย อัน. เบ บอ อึง ดี กาโลว เซเซ. เบ บอ ณึงราง กาลาง โฆรห หมึอม. เบ ยี ดืง, ยี เอห แคง น็อห เบ.

5 อึย น็อห โอว, แตห แม บึง มี เฌาพรา อู กาดัง. โอว หน็อะ อึณด็อะ มี อัน เฌา อู กาดัง.

6 อัน เฌา บอ ปี ดาอาง มาว อี แตห โอว กอย ซีคยา. อัน ดี บอ คยอด โอว. อัน เฌา แตห โอว กอย ซีคยา, แกวะ แตห โอว ชึม ดอ เหมา.

7 โคว, อึณ มูห เฌาพรา อี คยอด โอว, แตห โอว มึห ซาเร. อัน เฌา บอ ปี ดาอาง มาว อี แตห โอว กอย ซีคยา. อัน บอ แตห โอว เครียง โดง กอย อัน.

8 อึย เบ ดูอี บอกาเฆลียด, แตห เบ บึง เฌาพรา เซเซ. อี ดูก ดี น็อห เบ ดอน โมยว, แตห เบ กาลาง โตต ดี เฌาพรา.

9 เฆ ดูอี ฆีน, เฆ ปี พึอม อี ฮึห หราย. เฆ ดูอี ครัม ยี ตู โคว มาเซ. เซ ฮี ซัะ เฆ บอกาเฆลียด แดง ลัะจู, เฆ ดี อึณจึร ปี ฮึต.

10 แกวะ แตห น็อห เบ ดาคึย โกบ คาหนาบ เบ อี เฮา. แกวะ แตห เบ ปีคึก โกบ พาด เบ โกรวกราม อี เฮา. โกรวกราม เบ ปี บอ แฮะ แบร แฮะ กืน, แกวะ แตห น็อห เบ ดึก ดี ตี.

11 เฌาพรา แฮะ กาลาง อู โมยว. โอว มืร แฮะ วี ยึร อา โมยว. อู โมยว แฮะ มูห ลอง แม เฌาพรา มึห ปวน ตาง.

12 ปอ อู โมยว มูห ลอง แม เฌาพรา มึห น็อห ร็อก กาเว เซเซ. บอ ดูอี หมึอม บอ ดูอี ตู หมึอม, แม เฌาพรา ดี วี โบง เวียะ ดี เฆ วี เหมา วี อัน, แคะ ปี ดึอม โบง เฆ ดี อี.